రేవంత్ Vs జగ్గారెడ్డి : కేటీఆర్ను కలిస్తే తప్పేంటి..?
పార్టీలు వేరు అయినా ఎదురుపడినప్పుడు మాట్లాడుకోవడం సంస్కారం అని స్పష్టం చేసారు. కేటీఆర్ను గతంలో కాంగ్రెస్ నేతలు ఎవ్వరూ కలువలేదా అని ప్రశ్నించారు జగ్గారెడ్డి. తనను టీఆర్ఎస్ కోవర్టు అంటూ కొందరూ తప్పుడు ప్రచారం చేస్తున్నారు అని ఆగ్రహం వ్యక్తం చేసారు. కాంగ్రెస్లో వ్యక్తిగత పంచాయతీలు లేవు అని, పార్టీలోని చిల్లర బ్యాచ్ తనను మీడియా ముందుకు వచ్చేలా చేస్తుందని జగ్గారెడ్డి ఆగ్రహమయ్యారు. నెగిటివ్ వార్తలు రాసే వారికి ఆత్మసాక్షి లేదా అని నిలదీసారు. పీసీసీ చీఫ్ అనే వాడు పార్టీకి డ్రైవర్ లాంటి వాడు అని, తాము ఫ్యాసింజర్లం మాత్రమే అని అభిప్రాయం వ్యక్తం చేసారు.
ముఖ్యంగా తాను పార్టీ నుంచి బయటకెళ్లాలనుకుంటే ఆపేది ఎవరు అని నిలదీసారు. టీఆర్ఎస్లోకి వెళ్లాలనుకుంటే డైరెక్ట్ వెళ్లుతాను అని.. కోవర్టుగా పని చేయాల్సిన అవసరం లేదు అన్నారు. రేవంత్రెడ్డి డైరెక్షన్లోనే చిన్నారెడ్డి పని చేస్తున్నారు అని ఆరోపించారు జగ్గారెడ్డి. రేవంత్రెడ్డి గురించి చాలా చెబుతా అని పేర్కొన్నారు. కాంగ్రెస్ పార్టీ చాలా గట్టిగా ఉన్నది. ఎవ్వడో వచ్చి గట్టిగా చేసేది ఏంది. కాంగ్రెస్ పార్టీకి ఉన్న బలంను గట్టి చేస్తరా..? సోనియాగాంధీ, రాహుల్గాంధీ, ప్రియాంక గాంధీల నాయకత్వంలోనే బలపడుతుంది. అవసరం వస్తే కేసీఆర్, కేటీఆర్, హరీశ్రావు, బీజేపీ నాయకులపై అడ్డంగా నిలదీసే శక్తి తనకు ఉందని.. అవసరం వచ్చినప్పుడు మాట్లాడుతా అని పేర్కొన్నారు.