గాల్లో కరోనా వైరస్ ఎంత దూరం ప్రయాణిస్తుందో తెలుసా..?
ఇక గడిచిన 24గంటల్లో దేశవ్యాప్తంగా 9వేల 119 కరోనా కేసులు నమోదయ్యాయి. 10వేల 264మంది వైరస్ నుంచి కోలుకున్నారు. 396మంది ప్రాణాలు కోల్పోయారు. యాక్టివ్ కేసులు లక్షా 9వేల 940గా ఉన్నాయి. గడిచిన 539రోజుల్లో యాక్టివ్ కేసులు తక్కువ నమోదవడం ఇదే తొలిసారి. నిన్న లక్షా 11వేల 481యాక్టివ్ కేసులుండగా.. ఈ రోజు అది మరింత తగ్గింది.
మరోవైపు స్పుత్నిక్ లైట్ కరోనా టీకాను వచ్చే నెలలో అందుబాటులోకి తెస్తామని ఆర్ డీఐఎఫ్ సీఈవో కిరిల్ డిమిత్రివ్ తెలిపారు. ప్రస్తుతం టీకా క్లినికల్ ట్రయల్స్ జరుగుతున్నట్టు పేర్కొన్నారు. అయితే ఈ సింగిల్ డోస్ వ్యాక్సిన్ ను దేశంలో సరఫరా చేసేందుకు డాక్టర్ రెడ్డీస్ ల్యాబొరేటరీస్ ఆర్ డీఐఎఫ్ తో ఒప్పందం చేసుకుంది.
ఇక ఈ ఏడాది చివరి నాటికి అంతర్జాతీయ విమాన సేవలు సాధారణ స్థితికి వస్తాయని కేంద్రం తెలిపింది. కరోనా కేసులు తగ్గడం, వ్యాక్సినేషన్ పెరగడంతో దీనిపై ఆలోచిస్తున్నట్టు కేంద్రమంత్రి జ్యోతిరాదిత్య సింథియా చెప్పారు. గతేడాది కరోనా కారణంగా అంతర్జాతీయ విమాన సేవలు నిలిచిపోయాయి. అత్యవసర ఔషధాలు, విదేశాల్లో చిక్కుకున్న భారతీయుల్ని తరలించేందుకు మాత్రమే అనుమతించారు. అయితే గత నెల నుంచి దేశీయంగా విమాన సేవలు ప్రారంభమయ్యాయి.