నారా భువనేశ్వరి కాళ్లు పట్టుకుంటా.. అంబటి సంచలన వ్యాఖ్యలు..?
గతంలో అంబటి రాంబాబు ఫోన్ కాల్ పేరుతో కొన్ని ఆడియో క్లిప్పులు సామాజిక మాధ్యమాల్లో వైరల్ అయ్యాయి. అందులో గంట సేపట్లో పంపిస్తా అన్న మాటలు బాగా పాపులర్ అయ్యాయి. అలాగే మంత్రి అవంతి పేరుతో కూడా కొన్ని ఆడియోలు సోషల్ మీడియాలో బాగా వైరల్ అయ్యాయి. ఆయన అరగంటలో పంపిస్తా అన్నట్టు ఆడియోలు క్లిప్లు ఉన్నాయి. వీటిలో నిజమెంతో తెలియదు.. కానీ అవి బాగా జనంలోకి వెళ్లాయి. ఇప్పుడు వాటిని ఉద్దేశించి టీడీపీ నేతలు అంబటిపై సెటైర్లు వేశారు. గంట సరిపోతుందా.. అని కొందరు అంటే.. అరగంట.. అరగంట అంటూ ఇంకొందరు ఎగతాళి చేశారు.
దీంతో ఆగ్రహించిన అంబటి.. అలా మాట్లాడాలంటే అన్నీ మాట్లాడదాం.. మాధవరెడ్డి విషయం కూడా మాట్లాడదాం అన్నారు. తాను అంతకు మించి ఇంకేమీ మాట్లాడలేదని.. నారా భువనేశ్వరి పేరు కూడా తాను ఎత్తలేదని అంబటి ఓ ఛానల్లో వివరణ ఇచ్చారు. అంతే కాదు.. తనకు నారా భువనేశ్వరి అంటా చాలా గౌరవం ఉందని.. తాను ఆమెను కించపరిచినట్టు ఏదైనా ఆధారం చూపితే.. ఆమె కాళ్లు పట్టుకుని క్షమాపణ అడుగుతాను అంటూ ఆయన ఆ టీవీ ఛానల్ చర్చలో ప్రకటించారు.
మరి టీడీపీ వాళ్లు ఇది మంచి అవకాశమే.. నిజంగానే అంబటి ఏమైనా అన్నట్టు రికార్డులు ఉంటే.. ఆధారాలుంటే చూపించి.. అంబటితో భువనేశ్వరి కాళ్లు పట్టించవచ్చు. అయితే.. అంబటి అన్న తర్వాత బ్యాక్ డ్రాప్లో ఇంకొందరు ఇష్టానుసారం మాట్లాడారని కొందరు టీడీపీ నేతలు అంటున్నారు.