అమెరికాలో.. లక్షల మందిని చంపేస్తున్న కెమికల్..?
ఈ థాలెట్స్ రసాయనాల వల్ల అమెరికాలో ప్రతి ఏడాదీ లక్ష మరణాలు చోటుచేసుకుంటున్నాయ. న్యూయార్క్ యూనివర్శిటీ తాజాగా చేసిన ఓ స్టడీలో ఈ విషయం తేలింది. ఈ థాలెట్స్.. పిల్లల బొమ్మల నుంచి దుస్తులు, షాంపూల వరకు నిత్య జీవితంలో ఉపయోగించే అనేక ప్లాస్టిక్ వస్తువుల తయారీలో వాడతారు. ఈ థాలెట్స్ ఆ వస్తువుల నుంచిమన శరీరంలోకి ప్రవేశిస్తున్నాయట. ఇవి హార్మోన్లు, ఎండోక్రైన్ వ్యవస్థపై తీవ్ర ప్రభావం చూపిస్తున్నాయట.
న్యూయార్క్ యూనివర్శిటీ ఇటీవల 55 నుంచి 64ఏళ్ల మధ్య వయసు గల 5 వేల మందిపై పరిశోధనలు నిర్వహించింది. వీరి మూత్రంలో అత్యధిక మోతాదులో థాలెట్స్ రసాయనాలు ఉన్నట్లు పరిశోధనలో తేలింది. అంతే కాదు.. ఈ రసాయనాల వల్ల వీరంతా గుండె సంబంధిత వ్యాధులతో చనిపోయే ప్రమాదం కూడా ఉందట. అయితే థాలెట్స్ రసాయనాల వల్ల మనిషి ప్రాణాలు నేరుగా పోవు. ఈ రసాయనాల వల్ల గుండె సంబంధిత వ్యాధుల ముప్పు బాగా పెరుగుతుంది.
ఈ గుండె సమస్యలు మరణాలకు ప్రధాన కారణం అవుతున్నాయి. ఈ థాలెట్స్ ఊహించినదాని కంటే చాలా ప్రమాదకరమైనవట. ఈ థాలెట్స్ వల్ల అమెరికాలో చాలా మంది అనేక వ్యాధుల బారినపడుతున్నారట. ఏడాదికి లక్ష మరణాలు చోటుచేసుకుంటున్నాయని ఈ స్టడీ తేల్చింది. అంతే కాదు.. పురుషుల్లో టెస్టోస్టిరాన్ స్థాయి తగ్గే అవకాశం కూడా ఉందట. అందుకే జర జాగ్రత్త. అందుకే రసాయనాల వినియోగంతో జాగ్రత్త. పిల్లలకు బొమ్మలు కొనిచ్చేటప్పుడు జాగ్రత్త.