ఇతర మంత్రుల కంటే దుమ్మురేపుతున్న నానీ...!

మంత్రి కొడాలి నానీ విషయంలో ఎవరికి ఎన్ని అభిప్రాయాలు ఉన్నా సరే ఇప్పుడు నియోజకవర్గంలో చేపడుతున్న కార్యక్రమాల మాత్రం అందరినీ ఆశ్చర్యానికి గురిచేస్తున్నాయి. మీడియా ముందు ఆయన ఏదైనా మాట్లాడినా మాట్లాడే ప్రతి దాంట్లో కూడా ఏదో ఒక అర్థం వెతికి ఆయనను విమర్శించి తెలుగుదేశం పార్టీ నాయకులు కూడా గుడివాడ నియోజకవర్గంలో కొడాలి నానీ చేస్తున్న కార్యక్రమాలు చూసి ఆశ్చర్యపోతున్నారు. ప్రజలకు ఆర్థిక సహాయం చేసే విషయంలో గానీ ప్రజలకు నిత్యావసరాల పంపిణీ చేసే విషయంలో గానీ ఆయన ఇతర మంత్రులు కంటే చాలా మెరుగ్గా ఉన్నారు అనే వ్యాఖ్యలు ఎక్కువగా వినబడుతున్నాయి.
ఆంధ్రప్రదేశ్ ప్రభుత్వంలో ప్రజల్లోకి వెళ్లి మాట్లాడే మంత్రులు చాలా తక్కువగా ఉన్నారు. ముగ్గురు నలుగురు మంత్రులు మినహా పెద్దగా ప్రజల్లోకి వెళ్లే వాళ్ళు తక్కువగానే ఉన్నారు. నానీ అందులో ఒకరు. ప్రజల్లోకి ఎప్పటికప్పుడు వెళ్తూ ప్రజల కష్టాలను తెలుసుకోవడం... అంతే కాకుండా స్థానిక నాయకుల ద్వారా సమాచారం సేకరించి గుడివాడలో ఎవరైనా సరే కరోనాతో ఇబ్బంది పడితే ఆసుపత్రి విషయంలో కూడా ఆయన చాలా వరకు జాగ్రత్తలు తీసుకుంటున్నట్టు సమాచారం. తన సిబ్బంది ద్వారా ఎప్పటికప్పుడు ప్రజలకు సమాచారం ఇస్తున్నారని అంటున్నారు.
అంతేకాకుండా వైద్య సేవలకు సంబంధించి కూడా సహకారం అందిస్తున్నారని ప్రభుత్వాస్పత్రిలో వైద్యుల విషయంలో కూడా ఆయన చాలా సీరియస్ గా ఉన్నారని అంటున్నారు ప్రజలకు సేవ చేసే విషయంలో వైద్యులు కూడా ఇబ్బంది పడవద్దు అని వాళ్లకు అన్ని విధాలా అండగా ఉంటానని చెబుతున్నారు. ప్రైవేట్ ఆస్పత్రుల విషయంలో కూడా గుడివాడ నియోజకవర్గంలో కూడా కాస్త సీరియస్ గానే ఉన్నట్టుగా సమాచారం. ప్రైవేట్ ఆస్పత్రిలో ఇష్టం వచ్చినట్టు వసూలు చేస్తే మాత్రం ఖచ్చితంగా కఠిన చర్యలు ఉంటాయని హెచ్చరికలను ఆయన చేస్తున్నారు. భవిష్యత్తును దృష్టిలో పెట్టుకుని వ్యవహరించాల్సి ఉంటుంది అని స్ట్రాంగ్ వార్నింగ్ ఇస్తున్నట్టు తెలుస్తోంది.

మరింత సమాచారం తెలుసుకోండి:

సంబంధిత వార్తలు: