ప్లీజ్.. మా దేశానికి రండి.. వేడుకుంటున్న పాక్?
ఈ క్రమంలోనే ఏ దేశం కూడా పాకిస్థాన్లో పెట్టుబడులకు ముందుకు రాకపోవడంతో పాకిస్తాన్ ఆర్థిక వ్యవస్థ సంక్షోభంలో కూరుకు పోతుంది. ప్రస్తుతం కనీసం ఆ దేశంలో ఉద్యోగులకు జీతాలు చెల్లించలేని స్థితిలో కి వెళ్ళిపోతుంది పాకిస్థాన్ ప్రభుత్వం. ప్రభుత్వ కార్యాలయాలను అద్దెకు ఇచ్చి వచ్చిన డబ్బులతో జీతాలు చెల్లిస్తున్న దుస్థితి కనిపిస్తోంది. ఇక ఇంత జరుగుతున్నా అటు పాకిస్థాన్ ప్రభుత్వం తీరు లో మాత్రం మార్పు రావడంలేదు. అయితే పాకిస్తాన్లో రోజురోజుకు మారుతున్న పరిస్థితులను చూసి ప్రజల్లో ప్రభుత్వంపై తీవ్రస్థాయిలో వ్యతిరేకత కూడా వస్తుంది.
ఇలాంటి పరిణామాల నేపథ్యంలో ఇటీవలే ఇమ్రాన్ ఖాన్ ప్రభుత్వం ఆసక్తికర స్టేట్మెంట్ విడుదల చేసింది. ప్లీజ్ మా దేశానికి రండి అంటూ ఇతర దేశాలను వేడుకోవడం మొదలుపెట్టింది. ఆర్థిక వ్యవస్థ రోజురోజుకి సంక్షోభంలో కూరుకుపోయి ద్రవ్యోల్బణం పెరిగిపోతున్న నేపథ్యంలో దిక్కు తోచని స్థితిలో పడిపోయింది పాకిస్తాన్ ప్రభుత్వం. ఎఫ్ఏటీఎఫ్ నిబంధనల కారణంగా ప్రపంచబ్యాంకు నుంచి అప్పులు కూడా దొరకని పరిస్థితి. దీంతో తమ దేశంలో పెట్టుబడి పెట్టె విదేశీయులకు శాశ్వత నివాసం పౌరసత్వం కల్పిస్తామంటూ పాకిస్తాన్ చెబుతోంది. ఈ క్రమంలోనే కొత్త జాతీయ భద్రత పాలసీ తీసుకువచ్చినట్లు పాకిస్తాన్ ప్రభుత్వం తెలిపింది. చైనా ఆఫ్ఘనిస్తాన్ అమెరికా దేశాలకు పెట్టుబడులు పెట్టేందుకుఆహ్వానం పంపింది పాకిస్తాన్.