വിവാഹ മോചനം: സുസ്മിത സെന്നിന്റെ സഹോദര പത്‌നി അഭിനയം നിർത്തി! കുഞ്ഞിന് ഒരു വയസ്സ് എത്തുന്നതിന് മുൻപേ വേർപിരിഞ്ഞവർ, പിന്നീട് വീണ്ടും ഒന്നിച്ചതും, അതിന് ശേഷം തീരെ ഒത്തു പോകാത്തതിനാൽ വീണ്ടും വേർപിരിഞ്ഞതും വാർത്തയായി. ഹിന്ദി മിനിസ്‌ക്രീൻ പ്രേക്ഷകർക്ക് ഏറെ പരിചിതയാണ് ചാരു അസോപ. ബോളിവുഡ് താരം സുസ്മിത സെന്നിന്റെ സഹോദരനും നടനുമായ രാജീവ് സെന്നിന്റെ ഭാര്യ എന്ന നിലയിലും ചാരും ഏറെ ശ്രദ്ധ നേടിയിരുന്നു. ഇരുവരുടെയും വിവാഹവും വിവാഹ മോചനവും സോഷ്യൽ മീഡിയയിൽ ചർച്ചയാകുകയും ചെയ്തിട്ടുണ്ട്. ഇപ്പോഴിതാ ചാരു അസോപയുടെ പുതിയ ബിസിനസ്സ് സോഷ്യൽ മീഡിയയിൽ ചർച്ചയാവുന്നു. അത്രയ്ക്കധികം ആർഭാടമൊന്നും ഇല്ലാതെ, ഒരു സെലിബ്രേറ്റി നടി അലങ്കാരങ്ങളുമില്ലാതെ തന്റെ ബിസിനസ് പ്രമോഷൻ നടത്തുന്ന വീഡിയോ ചാരു അപോസ തന്നെയാണ് ഇൻസ്റ്റഗ്രാമിൽ പങ്കുവച്ചത്.
ചുരിദാർ മെറ്റീരിയലുകൾ വിൽക്കുന്ന ബിസിനസ്സിലേക്ക് തിരിഞ്ഞിരിക്കുകയാണ് ചാരു. ഇത് തന്റെ പുതിയ തുടക്കമാണ് എന്ന് ചാരു അസോപ പറയുന്നു. ഇപ്പോൾ എനിക്ക് എന്റെ കുഞ്ഞിന് വേണ്ടിയും ധാരാളം സമയം കണ്ടെത്താൻ സാധിക്കുന്നുണ്ട്. ഇവിടെ, നാട്ടിൽ സ്വന്തമായി ഒരു വീട് വാങ്ങണം എന്നതാണ് ഇനി എന്റെ ആഗ്രഹം. മകൾക്കും എന്റെ പാരന്റ്‌സിനും ഒപ്പും ഇവിടെ ഞാൻ ഹാപ്പിയാണ്. ചാരു അസോപ പറഞ്ഞു എനിക്ക് എന്റേതായ ഒരു ഐഡന്റിറ്റിയും, ബിസിനസ്സും നേടിയെടുക്കണം. ഇതൊന്നും നേരത്തെ മുൻകൂട്ടി പ്ലാൻ ചെയ്തതായിരുന്നില്ല, ഈ തീരുമാനത്തിലേക്കെത്താൻ ഞാൻ നിർബന്ധിതയാകുകയായിരുന്നു. ഒറ്റയ്‌ക്കൊരു ബിസിനസ് ആരംഭിക്കുക എന്നതും ഒരുപാട് കഷ്ടപ്പാടുള്ള കാര്യമാണ്. ഓഡറുകൾ എടുക്കുന്നതും പാക്ക് ചെയ്യുന്നതും അയക്കുന്നതും എല്ലാം ഞാൻ ഒറ്റയ്ക്ക് തന്നെയാണ്.
അഭിനയിക്കാനായി മുംബൈയിലേക്ക് വന്നതും എന്നെ സംബന്ധിച്ച് എളുപ്പമായിരുന്നില്ല. എന്റേതായ പേര് ഇന്റസ്ട്രിയിൽ നേടിയെടുക്കാനും ഒരുപാട് കഷ്ടപ്പെട്ടിട്ടുണ്ട്. ഇപ്പോൾ ഞാൻ ആ ശ്രദ്ധയും നിശ്ചയദാർഢ്യവും എന്റെ ബിസിനസ്സിനോട് കാണിക്കുന്നു.രാജസ്ഥാനിലുള്ള തന്റെ ജന്മനാടായ ബികാനറിലാണ് ഇപ്പോൾ ചാരുവും മകളും. മകൾക്കൊപ്പം മുംബൈ പോലൊരു നഗരത്തിൽ ജീവിക്കുക അത്ര എളുപ്പമല്ല. മാസം എനിക്ക് ഒന്ന് - ഒന്നര ലക്ഷം രൂപ ചെലവാണ്. മാത്രമല്ല, മകൾ സിയാനയെ അവളുടെ അമ്മൂമ്മയുടെ അടുത്ത് ഏൽപ്പിച്ച് മുംബൈയിൽ ഷൂട്ടിങിന് പോകുന്നതും എനിക്ക് എളുപ്പമുള്ള കാര്യമല്ല. എല്ലാം മാനേജ് ചെയ്യുന്നത് കൂടുതൽ ബുദ്ധിമുട്ടാണെന്ന് മനസ്സിലാക്കിയതോടെയാണ് മുംബൈ നഗരവും അഭിനയവും ഉപേക്ഷിച്ച് ഞാൻ ജന്മനാട്ടിലേക്ക് തിരിച്ചത്.
