കാളിദാസും, തരിണിയും കുടുംബ സമേതം വെക്കേഷൻ ആഘോഷമാക്കി!
കാളിദാസും, തരിണിയും കുടുംബ സമേതം വെക്കേഷൻ ആഘോഷമാക്കി! പൂമരം എന്ന ചിത്രത്തിലൂടെയായിരുന്നു കാളിദാസ് നായകനായത്. മലയാളത്തിൽ മാത്രമല്ല തമിഴിൽ നിന്നുള്ള അവസരങ്ങളും കാളിദാസിന് ലഭിച്ചിരുന്നു. അഭിനയം മാത്രമല്ല അച്ഛനെപ്പോലെ മിമിക്രിയിലും കണ്ണൻ കഴിവ് തെളിയിച്ചിരുന്നു. അവാർഡ് വേദികളിലൂടെയായി മിമിക്രിയിലെ കഴിവും കാളിദാസൻ പുറത്തെടുത്തിരുന്നു. അടുത്തിടെയായിരുന്നു കാളിദാസ് വിവാഹിതനായത്. സിനിമാലോകം ഒന്നടങ്കം പങ്കെടുത്ത ചടങ്ങായി മാറുകയായിരുന്നു അത്. ജയറാമിന്റെ മകനായ കാളിദാസ് ചെറുപ്പം മുതലേ അഭിനയത്തിൽ തിളങ്ങിയിരുന്നു. മികച്ച ബാലതാരത്തിനുള്ള സംസ്ഥാന അവാർഡ് സ്വന്തമാക്കിയിരുന്നു അന്ന്. ഭാവിയിലും താരപുത്രൻ സിനിമയിൽ തിരിച്ചെത്തിയേക്കുമെന്ന് അന്നേ ആരാധകർ വിലയിരുത്തിയിരുന്നു. മാസങ്ങൾക്ക് മുൻപായിരുന്നു മാളവികയുടെ വിവാഹം.
ഇനി വൈകാതെ തന്നെ കാളിദാസിന്റെ വിവാഹം ഉണ്ടാവുമെന്ന് ജയറാം വ്യക്തമാക്കിയിരുന്നു. മക്കളുടെ വിവാഹം കഴിഞ്ഞ് കുടുംബത്തിലേക്ക് രണ്ടുപേർ കൂടി എത്തിയതിന്റെ സന്തോഷവും അദ്ദേഹം പങ്കുവെച്ചിരുന്നു.ഗുരുവായൂരിൽ വെച്ചായിരുന്നു വിവാഹം. മറ്റ് ചടങ്ങുകളെല്ലാം ചെന്നൈയിലായിരുന്നു. അടുത്ത ബന്ധുക്കളും സുഹൃത്തുക്കളുമെല്ലാം ചടങ്ങുകളിൽ പങ്കെടുത്തിരുന്നു. ഇപ്പോഴിതാ വിവാഹ ശേഷം കുടുംബസമേതമായി ഫിൻലൻഡിലേക്ക് പോയതിന്റെ വിശേഷങ്ങളാണ് കാളിദാസ് പങ്കുവെച്ചത്. അച്ഛനും അമ്മയും ചക്കിയും നവനീതുമെല്ലാം തരിണിക്കും കാളിദാസിനുമൊപ്പമുണ്ട്. ജാക്കറ്റും ബൂട്ടുമൊക്കെയാണെങ്കിലും തണുത്ത് വിറച്ച് നിൽപ്പാണ് എല്ലാവരും. ഞാൻ എന്റെ ക്രൂവിന്റെ കൂടെയായി വെക്കേഷൻ ആഘോഷിക്കുകയാണെന്നും കാളിദാസ് കുറിച്ചിരുന്നു. നിരവധി പേരാണ് ഫോട്ടോയുടെ താഴെയായി കമന്റുകൾ രേഖപ്പെടുത്തിയിട്ടുള്ളത്.
ഒരുലക്ഷത്തിലധികം പേരാണ് ചിത്രം ലൈക്ക് ചെയ്തിട്ടുള്ളത്. നിശ്ചയം കഴിഞ്ഞപ്പോൾ മുതൽ താരു ഈ കുടുംബത്തിലെ അംഗമായതാണെന്ന് എല്ലാവരും പറഞ്ഞിരുന്നു. വർഷങ്ങളായി മനസിലേറ്റിയ സ്വപ്‌നമാണ് ഇത്. മാതാപിതാക്കളെന്ന നിലയിൽ ഞങ്ങളൊരുപാട് ആഗ്രഹിച്ചതാണ് ഇത്. അതാണ് ഇമോഷണലായതെന്നും ജയറാം തുറന്നുപറഞ്ഞിരുന്നു. വിവാഹ വിശേഷങ്ങളെല്ലാം സോഷ്യൽമീഡിയയിലൂടെ വൈറലായിരുന്നു. കാളിദാസും ഇൻസ്റ്റഗ്രാമിലൂടെയായി വിശേഷങ്ങൾ പങ്കിടുന്നുണ്ടായിരുന്നു.
പ്രണയവിവാഹത്തിലൂടെയാണ് കാളിദാസും തരിണിയും ഒന്നിച്ചത്. ചക്കിയാണ് ഇതേക്കുറിച്ച് ആദ്യം ഞങ്ങളോട് പറഞ്ഞത്. കണ്ണനെ ഒന്ന് ശ്രദ്ധിച്ചോളാനായിരുന്നു അവൾ പറഞ്ഞത്. അതിനിടയിലായിരുന്നു കണ്ണൻ മുംബൈയിലേക്ക് പോയത്. തരിണിയുടെ റാംപ് വാക്ക് എന്തോ ഉണ്ടായിരുന്നു. അതിന് ശേഷമായാണ് ഇങ്ങനെയൊരു ബന്ധത്തെക്കുറിച്ച് ഞങ്ങളോട് പറഞ്ഞതും, തരിണിയേയും കൂട്ടി വീട്ടിലേക്ക് വന്നതും. മക്കളുടെ ഇഷ്ടം മനസിലാക്കി കൂടെ നിൽക്കുകയായിരുന്നു ജയറാമും പാർവതിയും. ചക്കിയുടേത് കഴിഞ്ഞ് അടുത്തതായി കാളിയുടെ വിവാഹം എന്ന് ഇരുവരും പറഞ്ഞിരുന്നു.