పుష్ప రన్ టైమ్ చూసి షాక్ అవుతున్నారా.. తెలుగులో హైయెస్ట్ రన్ టైమ్ తో వచ్చిన సినిమాలు ఇవే..?
అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో రూపొందిన పుష్ప పార్ట్ 2 మూవీ 3 గంటల 20 నిమిషాల నిడివితో ప్రేక్షకుల ముందుకు రానుంది. దీనితో చాలా మంది మరి ఇంత పెద్ద రన్ టైమ్ తో సినిమానా అనే ఆశ్చర్యాన్ని కూడా వ్యక్తం చేస్తున్నారు. ఇకపోతే తెలుగు సినీ పరిశ్రమలో భారీ రన్ టైమ్ తో వచ్చిన కొన్ని సినిమాల గురించి తెలుసుకుందాం.
విజయ్ దేవరకొండ హీరోగా సందీప్ రెడ్డి వంగా దర్శకత్వంలో అర్జున్ రెడ్డి అనే మూవీ వచ్చిన విషయం మన అందరికీ తెలిసిందే. ఈ మూవీ 3 గంటల 06 నిమిషాల నిడివితో ప్రేక్షకుల ముందుకు వచ్చి అద్భుతమైన విజయాన్ని అందుకుంది. ఇకపోతే రామ్ చరణ్ , జూనియర్ ఎన్టీఆర్ హీరోలుగా ఎస్ ఎస్ రాజమౌళి దర్శకత్వంలో ఆర్ ఆర్ ఆర్ అనే మూవీ రూపొందిన విషయం మనకు తెలిసిందే. ఈ సినిమా కూడా 3 గంటల 06 నిమిషాల నిడివితో ప్రేక్షకుల ముందుకు వచ్చింది. ఈ సినిమా కూడా బ్లాక్ బస్టర్ విజయాన్ని సొంతం చేసుకుంది. ఇకపోతే తెలుగు లో అత్యంత భారీ నిడివితో వచ్చిన సినిమాలలో మొదటి స్థానంలో దాన వీర శూర కర్ణ మూవీ నిలిచింది.
ఈ సినిమాలో సీనియర్ ఎన్టీఆర్ హీరోగా నటించాడు. అలాగే ఈ మూవీ కి ఎన్టీఆర్ స్వీయ దర్శకత్వం వహించాడు. ఈ మూవీ లో ఎన్టీఆర్ మూడో పాత్రలలో నటించి తన అద్భుతమైన నటనతో ప్రేక్షకులను ఆకట్టుకున్నాడు. ఇక ఈ సినిమా 3 గంటల 46 నిమిషాల భారీ నిడివితో ప్రేక్షకుల ముందుకు వచ్చి అద్భుతమైన విజయాన్ని అందుకుంది. ఇక ఈ సినిమా వచ్చి చాలా సంవత్సరాలు అవుతున్న ఈ మూవీ ని మించిన రన్ రన్ టైమ్ తో ఇప్పటి వరకు తెలుగులో ఏ సినిమా కూడా రాలేదు.