పుష్ప.. గేమ్ ఛేంజర్ : పోటీ పడుతున్నాయా.. అందుకే ఇలాంటి పనులా..?
తెలుగు సినిమా పరిశ్రమ నుండి భారీ అంచనాల నడుమ విడుదలకు రెడీగా ఉన్న సినిమాలలో పుష్ప 2 , గేమ్ చేంజర్ మొదటి వరసలో ఉన్నాయి. ఐకాన్ స్టార్ అల్లు అర్జున్ హీరోగా రూపొందిన పుష్ప మూవీలో రష్మిక మందన హీరోయిన్గా నటించగా ... సుకుమార్ ఈ సినిమాకు దర్శకత్వం వహించాడు. మైత్రి సంస్థ వారు నిర్మించిన ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నట్లు మేకర్స్ చాలా రోజుల క్రితమే ప్రకటించారు. ఈ మూవీ యొక్క మొదటి భాగం అద్భుతమైన విజయం సాధించి ఉండడంతో రెండవ భాగం పై ప్రేక్షకుల్లో భారీ అంచనాలున్నాయి.
ఇక మెగా పవర్ స్టార్ రామ్ చరణ్ హీరోగా రూపొందుతున్న గేమ్ చేంజర్ మూవీ లో కియార అద్వానీ హీరోయిన్గా నటించగా ... శంకర్ ఈ మూవీ కి దర్శకత్వం వహించాడు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ మూవీ ని నిర్మించగా ... ఎస్ ఎస్ తమన్ ఈ సినిమాకు సంగీతం అందించాడు. ఇకపోతే ఈ సినిమాను వచ్చే సంవత్సరం జనవరి 10 వ తేదీన విడుదల చేయనున్నట్లు మేకర్స్ ప్రకటించారు. భారీ క్రేజ్ ఉన్న ఈ రెండు సినిమా బృందాలు ప్రమోషన్ల విషయంలో పోటీ పడుతున్నట్లు కొంత మంది భావిస్తున్నారు. ఎందుకు అంటే ... గేమ్ చేంజర్ మూవీ బృందం మొదట లక్నో లో ఈ సినిమాకు సంబంధించిన టీజర్ను విడుదల చేసింది. ఇక పుష్ప పార్ట్ 2 మూవీ యూనిట్ పాట్నా లో ఈ సినిమాకు సంబంధించిన ట్రైలర్ను విడుదల చేసింది.
ఇక ఏకంగా గేమ్ చేంజర్ మూవీ యూనిట్ ఈ సినిమా ఫ్రీ రిలీజ్ ఈవెంట్ను యూఎస్ఏ లో నిర్వహించనున్నట్లు అధికారికంగా ప్రకటించింది. ఇలా ఒకరిని మించిన రేంజ్ లో మరొకరు ప్రమోషన్లను చేస్తూ ఉండడంతో ఈ భారీ క్రేజ్ ఉన్న ఈ రెండు పాన్ ఇండియా మూవీ బృందాలు ప్రమోషన్ల విషయంలో అద్భుతమైన జోష్లో దూసుకుపోతున్నాయి అని అభిప్రాయాన్ని కొంత మంది వ్యక్తం చేస్తూ వస్తున్నారు.