RC 16 : రంగంలోకి దిగుతున్న మీర్జాపూర్ నటుడు.. ఇక ఫ్యాన్స్ కి పూనకాలే..?
గ్లోబల్ స్టార్ రామ్ చరణ్ నటించిన లేటెస్ట్ పాన్ ఇండియా మూవీ “ గేమ్ ఛేంజర్”.. తమిళ్ స్టార్ డైరెక్టర్ శంకర్ ఈ బిగ్గెస్ట్ మూవీని టాలీవుడ్ స్టార్ ప్రొడ్యూసర్ దిల్ రాజు గ్రాండ్ గా భారీ బడ్జెట్ తో నిర్మించారు. ఈ సినిమాలో రాంచరణ్ సరసన బాలీవుడ్ హాట్ బ్యూటీ కియారా అద్వానీ హీరోయిన్ గా నటించింది.ఈ సినిమాలో ఎస్ జె సూర్య, శ్రీకాంత్, సునీల్, నవీన్ చంద్ర వంటి తదితరులు కీలకపాత్రలలో నటించారు.రామ్ చరణ్ ఈ సినిమాలో డ్యూయల్ రోల్ చేసాడు.క్యూట్ బ్యూటీ అంజలి సినిమాలో మరో హీరోయిన్ గా నటించింది.. ఈ సినిమాను మేకర్స్ వచ్చే ఏడాది జనవరి 12న గ్రాండ్ గా రిలీజ్ చేసేందుకు ప్లాన్ చేశారు...
ఇదిలా ఉంటే గేమ్ చేంజర్ సినిమా తర్వాత రామ్ చరణ్ ఉప్పెన ఫేమ్ బుచ్చి బాబు దర్శకత్వంలో ఓ సినిమా చేస్తున్నాడు.. “RC 16” అనే వర్కింగ్ టైటిల్ తో తెరకెక్కుతున్న ఈ సినిమా షూటింగ్ రీసెంట్ గా మొదలైంది.. ఈ సినిమాలో రాంచరణ్ సరసన బాలీవుడ్ హాట్ బ్యూటీ జాన్వీ కపూర్ హీరోయిన్ గా నటిస్తుంది.. అలాగే ఈ సినిమాకు ఆస్కార్ విన్నర్ ఏఆర్ రెహమాన్ మ్యూజిక్ అందిస్తున్నారు..
దర్శకుడు బుచ్చి బాబు ఈ సినిమా షూటింగ్ కి సంబంధించి ఇంట్రెస్టింగ్ పోస్ట్ చేసాడు..మైసూర్ లోని చాముండేశ్వరి అమ్మవారి దేవాలయాన్ని దర్శించిన ఆయన.. చేతిలో స్క్రిప్ట్‌ పేపర్లతో గుడి బయట దిగిన పిక్ షేర్ చేశారు. తమకు ఈరోజు బిగ్ డే అని.. చాముండేశ్వరి మాత ఆశీస్సులతో ఇది మొదలైందని తెలిపారు. దీంతో మైసూర్ లో తొలి షెడ్యూల్ షూటింగ్ స్టార్ట్ అయినట్లు తెలుస్తుంది..కొన్ని కీలక సన్నివేశాలను మేకర్స్ షూట్ చేయనున్నారని సమాచారం.
ఈ సినిమాలో చాలా మంది స్టార్ క్యాస్ట్ ని తీసుకోనున్నట్లు సమాచారం..కన్నడ యాక్టర్ శివ రాజకుమార్ ఈ సినిమాలో నటిస్తున్నట్లు మేకర్స్ ఎప్పుడో ప్రకటించేశారు..
అలాగే విలక్షణ నటుడు జగపతిబాబు సైతం ఈ సినిమాలో నటిస్తున్నాడు.. తాజాగా ఈ సినిమాకు సంబందించి ఓ న్యూస్ బాగా వైరల్ అవుతుంది.. ఈ సినిమాలో ఫేమస్ వెబ్ సిరీస్ మీర్జాపూర్ ఫేమ్ మున్నా భాయ్ కూడా నటిస్తున్నట్లు సమాచారం..త్వరలోనే మేకర్స్ అఫిషియల్ గా అనౌన్స్ చేయనున్నారని తెలుస్తుంది..మీర్జాపూర్ సిరీస్ ద్వారా నటుడు దివ్యేందు మున్నా భాయ్ పాత్రలో అద్భుతంగా నటించి మెప్పించాడు.. ఈ సిరీస్ ద్వారా అతను ఎంతో పాపులర్ అయ్యాడు.. ఇప్పుడు రాంచరణ్ సినిమాలో నటిస్తుండటంతో ఫ్యాన్స్ ఖుషి అవుతున్నారు..