തിലകന്റെ മകളുടെ പരാതി മനോഹരം; ഹേമ കമ്മീഷൻ 'അമ്മ'യിലെ നടിമാരെ വിളിച്ചില്ല': സിദ്ധിഖ്!
തിലകന്റെ മകളുടെ പരാതി മനോഹരം; ഹേമ കമ്മീഷൻ 'അമ്മ'യിലെ നടിമാരെ വിളിച്ചില്ല': സിദ്ധിഖ്!ഹേമ കമ്മറ്റി റിപ്പോർട്ടിൽ പറഞ്ഞിട്ടുള്ള പേരുകൾ പുറത്ത് കൊണ്ടുവരാൻ കോടതിയെ സമീപിക്കുന്ന കാര്യം വരുന്ന എക്സിക്യുട്ടീവ് കമ്മറ്റികളിൽ ചർച്ച ചെയ്യുമെന്ന് അദ്ദേഹം പറഞ്ഞു. റിപ്പോർട്ട് എല്ലാവരെയും പുകമറയിൽ നിർത്തിയിരിക്കുന്നു എന്ന സിദ്ധിഖിന്റെ പ്രസ്താവനയെ മുൻനിർത്തി മാധ്യമപ്രവർത്തകർ ഉന്നയിച്ച ചോദ്യത്തോട് മറുപടി പറയുകയായിരുന്നു അദ്ദേഹം.
അമ്മ സംഘടന ഈ വിഷയത്തിൽ അഭിപ്രായം പറയാതെ ഒളിച്ചോടിയതായിരുന്നില്ലെന്ന് അദ്ദേഹം പറഞ്ഞു. ഒരു ഷോയുടെ തിരക്കിലായിരുന്നു എല്ലാവരും. ഷോ കഴിഞ്ഞപ്പോഴാണ് പ്രതികരിക്കാൻ സമയം ലഭിച്ചതെന്നും അദ്ദേഹം പറഞ്ഞു. സിനിമയിൽ പ്രശ്നങ്ങൾ നേരിടുന്നില്ലെന്ന് ഒരു നടി പറഞ്ഞപ്പോൾ ഹേമ കമ്മറ്റി ഞെട്ടിയെന്ന് നടനും അമ്മ ജനറൽ സെക്രട്ടറിയുമായ സിദ്ധിഖ്.
അമ്മ സംഘടന ഈ വിഷയത്തിൽ അഭിപ്രായം പറയാതെ ഒളിച്ചോടിയതായിരുന്നില്ലെന്ന് അദ്ദേഹം പറഞ്ഞു. ഒരു ഷോയുടെ തിരക്കിലായിരുന്നു എല്ലാവരും. ഷോ കഴിഞ്ഞപ്പോഴാണ് പ്രതികരിക്കാൻ സമയം ലഭിച്ചതെന്നും അദ്ദേഹം പറഞ്ഞു. സിനിമയിൽ പ്രശ്നങ്ങൾ നേരിടുന്നില്ലെന്ന് ഒരു നടി പറഞ്ഞപ്പോൾ ഹേമ കമ്മറ്റി ഞെട്ടിയെന്ന് നടനും അമ്മ ജനറൽ സെക്രട്ടറിയുമായ സിദ്ധിഖ്.
സിനിമയിൽ പ്രശ്നങ്ങളുണ്ട് എന്ന് പറയിപ്പിക്കാനാണോ സമിതി എന്നദ്ദേഹം ചോദിച്ചു. ഉൾപ്രദേശങ്ങളിൽ നടക്കുന്ന സിനിമാ ഷൂട്ടിങ് ലൊക്കേഷനുകളിലാണ് പ്രശ്നങ്ങൾ നടക്കുന്നതെന്ന് പലരും പറയുന്നതായി സിദ്ധിഖ് ആരോപിച്ചു. മുഖ്യധാരാ സിനിമകളിൽ പ്രശ്നങ്ങളൊന്നും ഇല്ല. മുഖ്യധാരാ സിനിമകളിൽ ഇത്തരം സംഭവങ്ങളുണ്ടാകുമ്പോൾ അത് അപ്പോൾ തന്നെ പറഞ്ഞ് അവസാനിപ്പിക്കാറുണ്ടെന്നും അദ്ദേഹം വ്യക്തമാക്കി. തിലകന്റെ മകൾ ഉന്നയിച്ച പരാതി വളരെ മനോഹരമായിരുന്നു എന്ന് സിദ്ധിഖ് കൂട്ടിച്ചേർത്തു. വളറെ മനോഹരമായാണ് ആ കുട്ടി കാര്യങ്ങൾ അവതരിപ്പിച്ചത്. അമ്മ സംഘടനയിൽ പെട്ട നടിമാരെ ആരെയും ഹേമ കമ്മീഷൻ വിളിച്ചിട്ടില്ലെന്ന ആരോപണവും സിദ്ധിഖ് ഉന്നയിച്ചു. മമ്മൂട്ടിക്കും മോഹൻലാലിനും മാത്രമാണ് നോട്ടീസ് ലഭിച്ചത്.
അവർ പോയി സംസാരിച്ചതായി പറഞ്ഞു. തന്നെ വിളിച്ചിട്ടില്ല. പലരും സ്വമേധയാ പോയതായി അറിഞ്ഞു. പക്ഷെ അമ്മ സംഘടനയിൽ ഉള്ള വനിതാ മെമ്പർമാരോട് ചോദിച്ചപ്പോൾ അവരാരും പോയിട്ടില്ലെന്നാണ് അറിഞ്ഞത്. ആർക്കും സിനിമയിൽ അവസരം നിഷേധിക്കാൻ കഴിയില്ലെന്ന് സിദ്ധിഖ് അവകാശപ്പെട്ടു. ഡബ്ല്യുസിസി അംഗങ്ങൾക്ക് സിനിമയിൽ അവസരം നിഷേധിച്ചു എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. വിജയിക്കുന്നവർക്ക് സിനിമകളുണ്ടാകും അല്ലാത്തവർക്ക് ഉണ്ടാകില്ലെന്നും അദ്ദേഹം വ്യക്തമാക്കി.
തുല്യ പ്രതിഫലം സ്ത്രീകൾക്കും പുരുഷന്മാർക്കും വേണമെന്ന ആവശ്യം സിനിമയിൽ നടപ്പാക്കാൻ കഴിയില്ലെന്ന് അദ്ദേഹം പറഞ്ഞു. സിനിമാ സെറ്റിൽ നടിമാർക്ക് മൂത്രമൊഴിക്കാൻ സൗകര്യം ഇല്ലാത്ത വിഷയത്തിൽ അമ്മ സംഘടനയ്ക്ക് ഇടപെടാൻ പരിമിതിയുണ്ടെന്ന് സിദ്ധിഖ് വ്യക്തമാക്കി. ഇപ്പോൾ എല്ലാ സെറ്റുകളിലും ഈ സൗകര്യങ്ങളുണ്ട്. അഞ്ച് വർഷം മുമ്പ് ഇത്തരം സൗകര്യങ്ങൾ ഇല്ലായിരുന്നു. അഞ്ച് വർഷം മുമ്പ് ഹേമ കമ്മറ്റി റിപ്പോർട്ടിന് ആധാരമായ സംഭവം നടന്ന ശേഷം ഒരുപാട് മാറ്റങ്ങൾ ഉണ്ടായിട്ടുണ്ടെന്ന് സിദ്ധിഖ് സമ്മതിച്ചു.