അന്ന് എനിക്ക് അത് ആരാണെന്നു പോലും അറിയില്ലായിരുന്നു"; ആർഎൽവി രാമകൃഷ്ണനെ കുറിച്ച് നടി മിയ!
അന്ന് എനിക്ക് അത് ആരാണെന്നു പോലും അറിയില്ലായിരുന്നു"; ആർഎൽവി രാമകൃഷ്ണനെ കുറിച്ച് നടി മിയ! കഴിഞ്ഞ ദിവസമാണ് നടൻ കലാഭവൻ മണിയുടെ സഹോദരനും നർത്തകനുമായ ആർഎൽവി രാമകൃഷ്ണന് എതിരെ വിവാദപരമായ ഒരു ജാതിയെ അധിക്ഷേപവുമായി കലാമണ്ഡലത്തിലെ ഒരു ടീച്ചർ രംഗത്ത് വന്നത്. ഇതിനെതിരെ പ്രതികരിക്കുകയാണ് നടി മിയ ഇപ്പോൾ. "നമസ്കാരം, ആർഎൽവി രാമകൃഷ്ണൻ സാറിന് എതിരെ വളരെ അതിശയിപ്പിക്കുന്ന രീതിയിൽ ഒരാൾ സംസാരിക്കുന്ന വീഡിയോ കാണാനിടയായി. ഈ സമയത്ത് രാമകൃഷ്ണൻ സാറിനെ കുറിച്ച് എനിക്കുണ്ടായ ഒരു നല്ല അനുഭവം ഷെയർ ചെയ്യണം എന്ന് തോന്നി. കുറെ വർഷങ്ങൾക്ക് മുൻപ് കോട്ടയം പാലായിൽ വച്ച് ജില്ലാ കലോത്സവം നടക്കുക ആയിരുന്നു. ഞാൻ പ്ലസ് വണ്ണിൽ പഠിക്കുന്ന സമയത്താണ്.
മോഹിനിയാട്ട മത്സരത്തിൽ ഒന്നാമതായി ഞാൻ സ്റ്റേജിൽ കയറി കളിച്ചു. ഒരു എട്ടര മിനിറ്റ് ആയപ്പോൾ പാട്ട് നിന്നുപോയി. പക്ഷെ ഞാൻ അത് കളിച്ച് കംപ്ലീറ്റ് ചെയ്തു. പാട്ട് ഇല്ലാതെ തന്നെ ഞാൻ ബാക്കി കളിച്ച് കംപ്ലീറ്റ് ചെയ്തു. പക്ഷെ പാട്ട് നിന്നുപോകുകയോ കർട്ടൻ വീണു പോകുകയോ പോലെയുള്ള എന്തെങ്കിലും ടെക്‌നിക്കൽ എറർ കാരണം ആണ് ഡാൻസ് നിന്നുപോകുന്നത് എങ്കിൽ ആ കുട്ടിക്ക് വീണ്ടും ഒരു ചാൻസ് കൂടി കൊടുക്കണം എന്നാണല്ലോ. അങ്ങിനെയൊരു നിയമം ഉണ്ട്. എന്റെ മമ്മി അത് പോയി സംസാരിച്ചിട്ട് എനിക്ക് വീണ്ടും കളിയ്ക്കാൻ ഒരു ചാൻസ് കിട്ടി. ഒരു മൂന്നാലു കുട്ടികൾ കളിച്ച് കഴിയുമ്പോൾ എനിക്ക് വീണ്ടും കളിക്കാം. അവിടെ ഒരു ഗ്രീൻ റൂം ഉണ്ടായിരുന്നു. ഞാൻ അവിടെ പോയി റസ്റ്റ് എടുക്കുമ്പോൾ രാമകൃഷ്ണൻ സാർ സാറിന്റെ ഒരു സ്റ്റുഡന്റിനെ റെഡി ആക്കികൊണ്ടിരിക്കുകയാണ്. എനിക്ക് ഓപ്പോസിറ്റ് മത്സരിക്കാൻ ഉള്ള കുട്ടിയാണ്.അപ്പോഴാണ് ഇങ്ങിനെ ഞാൻ അവിടെ ചെന്നിരുന്നത്.
സാർ എന്നോട് എന്ത് പറ്റിയെന്നൊക്കെ ചോദിച്ചു. എന്നോട് റെസ്റ്റ് എടുക്ക് എന്നൊക്കെ പറഞ്ഞിട്ട് സാറിന്റെ സ്റ്റുഡന്റിനു കഴിക്കാൻ വച്ചിരുന്ന ഓറഞ്ച് എടുത്തു തന്നു. സമാധാനം ആയിട്ട് ടെൻഷൻ ഒന്നും ഇല്ലാതെ പോയി കളിച്ചാൽ മതി എന്ന് പറഞ്ഞിട്ട് എനിക്ക് വേണ്ട എല്ലാ സപ്പോർട്ടും തന്നിട്ട് എനിക്ക് ടൈം ആയപ്പോൾ എന്നെ അദ്ദേഹം കയറ്റി വിട്ടു. അന്നാണ് ഞാൻ സാറിനെ ആദ്യമായി കാണുന്നത്.
ഞാൻ പിന്നീട് ആലോചിച്ചപ്പോൾ സാറിന്റെ സ്റ്റുഡന്റിന്റെ ഓപ്പോസിറ്റ് മത്സരിക്കുന്ന എനിക്ക് വേണ്ടി അത്രയൊന്നും ചെയ്യണ്ട ആവശ്യം സാറിന് ഇല്ല. ഒരു നെഗറ്റിവ് ഇമോഷനും അദ്ദേഹം ക്യാരി ചെയ്തിരുന്നില്ല. എനിക്ക് അതിൽ നിന്നും ഒരുപാട് നല്ലകാര്യങ്ങൾ പഠിക്കാൻ സാധിച്ചു.
ഞാൻ പിന്നീട് ആലോചിച്ചപ്പോൾ സാറിന്റെ സ്റ്റുഡന്റിന്റെ ഓപ്പോസിറ്റ് മത്സരിക്കുന്ന എനിക്ക് വേണ്ടി അത്രയൊന്നും ചെയ്യണ്ട ആവശ്യം സാറിന് ഇല്ല. ഒരു നെഗറ്റിവ് ഇമോഷനും അദ്ദേഹം ക്യാരി ചെയ്തിരുന്നില്ല. എനിക്ക് അതിൽ നിന്നും ഒരുപാട് നല്ലകാര്യങ്ങൾ പഠിക്കാൻ സാധിച്ചു.
ഈ ഒരു സമയത്ത് അദ്ദേഹം എത്ര നല്ല കലാകാരൻ ആണെന്ന് എല്ലാവർക്കും അറിയാവുന്ന കാര്യം ആണെങ്കിലും എനിക്ക് പേഴ്‌സണലി അദ്ദേഹം ഉള്ളിലും എത്ര നല്ല മനുഷ്യൻ ആണ്, ഒരു കറ കളഞ്ഞ കലാകാരൻ ആണ് എന്നുള്ളത് നിങ്ങളോട് ഷെയർ ചെയ്യണം എന്ന് തോന്നി" മിയ പറയുന്നു.എനിക്ക് സാറിന്റെ പേരുപോലും അറിയില്ലായിരുന്നു. അവിടെ ആരോ കലാഭവൻ മണിയുടെ അനിയനാണ് എന്ന് പറയുന്നത് കേട്ടിട്ടാണ് ആളെ തിരിച്ചറിഞ്ഞത്. ഞാൻ മത്സരിച്ചു എനിക്ക് ഒന്നാം സമ്മാനം കിട്ടുകയും ചെയ്തു.