പക്ഷേ ആ നോട്ടത്തിൽ എന്തോ ഒന്നുണ്ട്; ഒരു വാക്ക് പോലും മിണ്ടാതെ കാതലിൽ ജ്യോതിക!
പക്ഷേ ആ നോട്ടത്തിൽ എന്തോ ഒന്നുണ്ട്; ഒരു വാക്ക് പോലും മിണ്ടാതെ കാതലിൽ ജ്യോതിക! കഴിഞ്ഞ ദിവസം പുറത്തിറങ്ങിയ ചിത്രത്തിലെ 'എന്നും എൻ കാവൽ' എന്ന പാട്ടിന്റെ ലിറിക്കൽ വീഡിയോ തന്നെ സിനിമയുടെ മൂഡ് ഏത് തരത്തിലാണ് എന്ന് പ്രെഡിക്ട് ചെയ്യും വിധമായിരുന്നു. എന്നാൽ ആ പ്രെഡിക്ട് ചെയ്തതും, ഇതുവരെ പറഞ്ഞതും ഒന്നുമല്ല സിനിമ എന്ന് ട്രെയിലർ പറയുന്നു. കണ്ണൂർ സ്ക്വാഡ് എന്ന ബ്ലോക് ബസ്റ്റർ ഹിറ്റ് സിനിമയ്ക്ക് ശേഷം മമ്മൂട്ടി കമ്പനി നിർമിയ്ക്കുന്ന കാതൽ ദ കോർ എന്ന സിനിമയുടെ ഒഫിഷ്യൽ ട്രെയിലർ പുറത്തിറങ്ങി.2 പെണ്ണുങ്ങൾ, കിലോ മീറ്റേഴ്സ് ആന്റ് കീലോമീറ്റേഴ്സ്, ദ ഗ്രേറ്റ് ഇന്ത്യൻ കിച്ചൺ തുടങ്ങിയ സിനിമകളിലൂടെ മലയാള സംവിധാന ലോകത്ത് തന്റെ ഇടം കണ്ടെത്തിയ ജിയോ ബേബിയുടെ മറ്റൊരു വേറിട്ട മേക്കിങ് ആയിരിക്കും കാതൽ ദ കോർ എന്ന് ട്രെയിലർ കണ്ടുതന്നെ വിലയിരുത്താൻ സാധിയ്ക്കും. ആദർശ് സുകുമാരനും പോൾസൺ സരികയും ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്.
മാത്യൂസ് പുളിക്കന്റെ പശ്ചാത്തല സംഗീതത്തിന് പോലും പ്രേക്ഷകരെ സ്വാധീനിക്കാൻ കഴിയുന്നുണ്ട്. അത്തരമൊരു ബീറ്റാണ് പശ്ചാത്തലമായി കൊടുത്തിരിയ്ക്കുന്നത്. ശാലു കേ തോമസ് ഛായാഗ്രഹണം നിർവ്വഹിയ്ക്കുന്ന ചിത്രത്തിന് വേണ്ടി ചിത്രസംയോജനം നിർവ്വഹിച്ചിരിയ്ക്കുന്നത് ഫ്രാൻസിസ് ലൂയിസാണ്. നവംബർ 23 ന് സിനിമ തിയേറ്ററുകളിൽ എത്തും. മാത്യു ദേവസ്യ എന്ന കഥാപാത്രമായിട്ടാണ് മമ്മൂട്ടി എത്തുന്നത്. ജ്യോതികയുടെ കഥാപാത്രത്തെ കുറിച്ച് ഒന്നും പറയുന്നില്ല എന്ന് മാത്രമല്ല, ട്രെയിലറിൽ മുഴുവൻ ജ്യോതിക നിറഞ്ഞു നിൽക്കുന്നുണ്ട് എങ്കിലും ഒരക്ഷരം ആ കഥാപാത്രം മിണ്ടുന്നില്ല. മമ്മൂട്ടിയുടെ ഭാര്യാ വേഷത്തിലാണ് ജ്യോതിക എത്തുന്നത്. വിവാഹം കഴിഞ്ഞിട്ട് ഇരുപത് വർഷമായി എങ്കിലും നിലവിൽ പരസ്പരം സംസാരിക്കാൻ പോലും തോന്നാത്ത വിധം ഒരു പ്രശ്നം ഇരുവർക്കുമിടയിലുണ്ട്.
ഇവർക്ക് രണ്ട് മക്കളാണ്. മകനെ ചുറ്റിപ്പറ്റി എന്തോ കേസ് നടക്കുന്ന സൂചന ട്രെയിലറിലുണ്ട്. ആ കഥാപാത്രം കഥയിൽ വളരെ പ്രധാനപ്പെട്ടതാണെന്നും ഉറപ്പ്. കണ്ടാൽ പാവത്താനായ, അധികം സംസാരിക്കാത്ത ആളാണ് മാത്യു ദേവസ്യ എന്ന ഇമേജാണ് നൽകുന്നത്. എന്നാൽ അതല്ലാതെ, അയാൾക്ക് മറ്റൊരു മുഖമുണ്ട് എന്ന സൂചന ഒറ്റ സീനിലൂടെ തന്നെ ട്രെയിലറിൽ കൺവേ ചെയ്യുന്നതും കാണാം. കണ്ണാടിയിൽ നോക്കുന്ന, ആ നോട്ടത്തിൽ എന്തോ ഉണ്ട് എന്ന് പ്രേക്ഷകർക്ക് ഉറപ്പിയ്ക്കാം. ഒരു സികെ രാഘവൻ (മുന്നറിയിപ്പ്) ഭാവം വന്ന് മായുന്നത് പോലെ അനുഭവപ്പെടുന്നു. എന്താണ് കഥ എന്ന ക്യൂരിയോസിറ്റി നിലനിർത്തി, ഒരു പിടിയും തരാതെയാണ് ട്രെയിലർ ഒരുക്കിയിരിക്കുന്നത്.