ആക്ഷൻ സിനിമകളുടെ സംവിധായകനൊപ്പം നിവിൻ പോളി: ബോക്സോഫീസിലേക്ക് നിവിൻ പോളിയുടെ തിരിച്ചുവരവ്!

Divya John
 ആക്ഷൻ സിനിമകളുടെ സംവിധായകനൊപ്പം നിവിൻ പോളി: ബോക്സോഫീസിലേക്ക് നിവിൻ പോളിയുടെ തിരിച്ചുവരവ്! ഒരുകാലത്ത് ബോക്സോഫീസിൽ വലിയ വിജയം നേടി ഇന്നും പ്രേക്ഷക സ്വീകാര്യതയിൽ മുൻ പന്തിയിലുള്ള യുവതാരം നിവിൻ പോളിയാണ്. എന്നിട്ടും താരത്തിനു സമീപകാലത്ത് നേരിട്ടത് വലിയ തിരിച്ചടികളായിരുന്നു. അതുകൊണ്ടു തന്നെ കരിയറിൽ മികച്ച തിരിച്ചുവരവിന് ലക്ഷ്യം വെയ്ക്കുകയാണ് നിവിൻ പോളി. അതിൻ്റെ ഭാഗമായി സ്റ്റൈലിഷ് ആക്ഷൻ സിനിമകൾ ഒരുക്കുന്ന സംവിധായകനൊപ്പമുള്ള സിനിമയുമായി പ്രേക്ഷകരുടെ മുന്നിലേക്ക് എത്തുകയാണ് പ്രിയ താരം. സമീപകാലത്ത് സോഷ്യൽ മീഡിയയിൽ നിവിൻ പോളിയോളം അക്രമണം നേരിട്ട മറ്റൊരു നടനുണ്ടാകില്ല. സിനിമകളുടെ തുട‍‍ർ പരാജയങ്ങളും ശരീര ഭാഷയിലെ മാറ്റങ്ങളുടെയും പേരിൽ വലിയ തോതിൽ പരിഹാസങ്ങൾ താരത്തിന് നേരിടേണ്ടി വന്നിട്ടുണ്ട്.രണ്ടു മാസംകൊണ്ട് 15 കിലോഗ്രാം ശരീര ഭാരം കുറച്ച് എനർജെറ്റിക് ഫോമിലാണ് നിവിൻ പോളി പുതിയ സിനിമകളുടെ ഭാഗമായത്.



 ദി ഗ്രേറ്റ് ഫാദർ എന്ന ചിത്രത്തിനു തിരക്കഥയും സംവിധാനവും, അബ്രഹാമിൻ്റെ സന്തതികൾ എന്ന ചിത്രത്തിനു രചനയും നിർവഹിച്ച ഹനീഫ് അദേനിയുടെ പുതിയ ചിത്രത്തിലാണ് നിവിൻ പോളി ഇപ്പോൾ അഭിനയിച്ച് കഴിഞ്ഞത്. ഹനീഫ് അദേനി തിരക്കഥയും സംവിധാനവും നിർവഹിക്കുന്ന ചിത്രത്തിൻ്റെ ഷൂട്ടിങ്ങ് പൂർത്തിയായി. ജനുവരി 20ന് ആയിരുന്നു സിനിമയുടെ ചിത്രീകരണം യുഎഇയിൽ തുടക്കം കുറിച്ചത്. കേരളത്തിലാണ് തുടർന്നുള്ള ഭാഗങ്ങൾ ഷൂട്ട് ചെയ്തത്. 2019 ൽ പുറത്തിറങ്ങിയ മീഖായേലിനു ശേഷം ഹനീഫ് അദേനിയും നിവിൻ പോളിയും ഒന്നിക്കുകയാണ് പുതിയ ചിത്രത്തിലൂടെ. ഇതിനു പിന്നാലെ ഒരുപിടി ചിത്രങ്ങളാണ് നിവിൻ പോളിയുടേതായി അണിയറയിലൊരുങ്ങുന്നത്. ഷൂട്ടിംഗ് ആരംഭിച്ച മറ്റൊരു ചിത്രം താരമാണ്. മണാലിയിൽ പൂജയും ആദ്യ ഭാഗവും ചിത്രീകരിച്ച സിനിമ സംവിധാനം ചെയ്യുന്നത് വിനയ് ഗോവിന്ദാണ്. കുടുംബ പശ്ചാത്തലത്തിൽ ഒരുങ്ങുന്ന കോമഡി ചിത്രമാണ് താരം.



സിനിമ മേഖലയുമായി ബന്ധപ്പെട്ടതായിരിക്കും കഥയെന്നും എന്നാൽ സിനിമയ്ക്കുള്ളിലെ സിനിമ ആയിരിക്കില്ലെന്നും സംവിധായ നിവിൻ പോളിയുടെ ആരാധകർ കാത്തിരിക്കുന്ന ചിത്രം കൂടിയാണ് ഇത്. മാജിക് ഫ്രെയിംസും പോളി ജൂനിയർ പിക്ചേഴ്‌സും ചേർന്നാണ് നിവിൻ പോളിയുടെ 42 -ാം ചിത്രം നിർമ്മിക്കുന്നത്. ചിത്രത്തിൻ്റെ ടൈറ്റിലും റിലീസ് തീയതിയും തുടർന്നുള്ള അപ്‌ഡേറ്റുകളും അണിയറപ്രവർത്തകർ ഉടൻ പുറത്തുവിടും. ജാഫർ ഇടുക്കി, വിനയ് ഫോർട്ട്, വിജിലേഷ്, മമിത ബൈജു, ആർഷ ബൈജു തുടങ്ങിയവരും ചിത്രത്തിൽ അഭിനയിക്കുന്നുണ്ട്. വിഷ്ണു തണ്ടാശേരിയാണ് ചിത്രത്തിനായി കാമറ ചലിപ്പിക്കുന്നത്. എഡിറ്റിംഗ് നിഷാദ് യൂസഫും നി‍‍ർവഹിക്കുന്നു.മമ്മൂട്ടിയെ നായകനാക്കി പേരൻപ് ഒരുക്കിയ റാം സംവിധാനം ചെയ്യുന്ന ചിത്രത്തിൽ നിവിനൊപ്പം സൂരിയും അഞ്ജലിയുമാണ് പ്രധാന കഥാപാത്രങ്ങളാകുന്നത്. 



നേരത്തെ ഏഴു കടൽ ഏഴു മലൈയുടെ ഡബ്ബ് ചെയ്യുന്നതിൻ്റെ വീഡിയോ നിവിൻ പോളി പുറത്തുവിട്ടിരുന്നു. ഹിറ്റ് ചിത്രം ആക്ഷൻ ഹീറോ ബിജുവിൻ്റെ രണ്ടാം ഭാഗം, ആര്യൻ രമണി ഗിരിജാവല്ലഭൻ സംവിധാനം ചെയ്യുന്ന ചിത്രം, ഡിജോ ജോസ് ആൻ്റണി സംവിധാനം ചെയ്യുന്ന പ്രോജക്ട്, വിനീത് ശ്രീനിവാസൻ സംവിധാനം ചെയ്യുന്ന പുതിയ സിനിമ, തിയറ്ററിൽ വലിയ വിജയം നേടുന്ന 2018 സംവിധാനം ചെയ്ത ജൂഡ് ആന്തണി ജോസഫുമായുള്ള രണ്ടാമത്തെ സിനിമ എന്നിവയാണ് നിവിൻ്റെതായി അണിയറയിലൊരുങ്ങുന്ന ചിത്രങ്ങൾ. നിവിൻ്റെ റിലീസിനൊരുങ്ങുന്ന മറ്റൊരു ചിത്രം തമിഴിൽ നിന്നുമുള്ള ഏഴു കടൽ ഏഴു മലൈയാണ്.നേരത്തെ അനൌൺസ് ചെയ്ത ചിത്രങ്ങളിൽ അനുരാജ് മനോഹർ‌ സംവിധാനം ചെയ്യുന്ന ശേഖര വർമ രാജാവ്, സന്ധീപ് കുമാറും ജോർജ് ഫിലിപ് റോയിയും ഒരുക്കുന്ന ഡിയർ സ്റ്റുഡൻസ് എന്നിവയ്ക്കായും കാത്തിരിക്കുകയാണ് പ്രേക്ഷകരും.
 

Find Out More:

Related Articles: