വിനയന്റെ ബിഗ് ബഡ്ജറ്റ് ചിത്രം അണിയറയിൽ ഒരുങ്ങുന്നു!
വിനയന്റെ ബിഗ് ബഡ്ജറ്റ് ചിത്രം അണിയറയിൽ ഒരുങ്ങുന്നു! ഒരു ചരിത്ര സിനിമയായാണ് പുതിയ ചിത്രമൊരുക്കുന്നത്. പത്തൊമ്പതാം നൂറ്റാണ്ട് എന്ന് പേരിട്ടിരിക്കുന്ന ചിത്രം നിർമ്മിക്കുന്നത് ഗോകുലം ഗോപാലനാണ്. ശ്രീഗോകുലം മൂവീസിൻ്റെ ബാനറിലാണ് ഗോകുലം ഗോപാലൻ ഈ ചിത്രം നിർമ്മിക്കുന്നത്. ബിഗ് ബജറ്റ് ചിത്രം പ്രഖ്യാപിച്ച് സംവിധായകൻ വിനയൻ. വർഷങ്ങൾ നീണ്ട വിലക്ക് നീക്കിയതിന് പിന്നാലെയാണ് വിനയൻ തൻ്റെ പുത്തൻ ബിഗ് ബജറ്റ് ചിത്രം പ്രഖ്യാപിച്ചിരിക്കുന്നത്. ചിത്രത്തിനായുള്ള കാസ്റ്റിങ് കോൾ അറിയിച്ചുകൊണ്ടാണ് സംവിധായകൻ വിനയൻ തൻ്റെ പുതിയ ചിത്രത്തിൻ്റെ പ്രഖ്യാപനം നടത്തിയത്. 1800കളിലെ ചരിത്രമാണ് ചിത്രത്തിലൂടെ പറയുന്നത്. സിനിമയിൽ ഇന്ത്യയിലെ ഒരുപാട് വലിയ താരങ്ങൾ അണിനിരക്കുമെന്നാണ് സംവിധായകൻ അറിയിച്ചിട്ടുള്ളത്.
അഞ്ചു വർഷത്തിലേറെയായി മനസിൽ കൊണ്ടു നടക്കുന്ന പ്രൊജക്ടാണ് ഇതെന്നും പ്രതിസന്ധി ഘട്ടങ്ങളിലും തങ്ങളുടെ കൂടെയുണ്ടായ ഏവരും ഇപ്പോഴും കൂടെയുണ്ടാവുമെന്നാണ് പ്രതീക്ഷിക്കുന്നതെന്നും വിനയൻ ഫേസ്ബുക്കിൽ കുറിച്ചു. കായംകുളം കൊച്ചുണ്ണിയേപ്പോലെ ആ കാലഘട്ടത്തിലെ പലകഥാപാത്രങ്ങളും സിനിമയിൽ വന്നിട്ടുണ്ടെകിലും 19-ാം നൂറ്റാണ്ടിൻെറ ഇതുവരെ പറയാത്ത ഏടുകളായിരിക്കും ഈ സിനിമയുടെ വലിയ ക്യാൻവാസിലുടെ പ്രേക്ഷകരിൽ എത്തുന്നതെന്ന് സംവിധായകൻ ഉറപ്പേകുന്നു. മലയാളത്തിലെ മാത്രമല്ല സൗത്ത് ഇന്ത്യയിലെ തന്നെ നിരവധി പ്രമുഖ താരങ്ങൾ പൻകെടുക്കുന്ന ഈ ചിത്രത്തിൽ ചില പ്രധാന വേഷങ്ങൾ പുതുമുഖങ്ങൾക്ക് നൽകാനാണ് ഞാൻ ആഗ്രഹിക്കുന്നതെന്നും സംവിധായകൻ അറിയിച്ചു. വിനായകൻ്റെ ഫേസ്ബുക്ക് കുറിപ്പിൻ്റെ പൂർണ രൂപം ഇങ്ങനെയാണ്.
സുഹൃത്തുക്കളെ... ഞാൻ അടുത്തതായി ചെയ്യുന്നത് ശ്രീ ഗോകുലം മുവീസിൻെറ ബാനറിൽ ഗോപാലേട്ടൻ നിർമ്മിക്കുന്ന "19-ാം നൂറ്റാണ്ട്" എന്ന ചരിത്ര സിനിമയാണ് എന്ന വിവരം സസന്തോഷം അറിയിക്കുകയാണ്. 1800 കളിലെ തിരുവിതാംകൂറിൻെ ചരിത്രം പറയുന്ന ഈ ബിഗ് ബഡ്ജറ്റ് സിനിമയിൽ അന്നത്തെ ചരിത്ര പുരുഷൻമാരും, ധീര വനിതകളും, ഭരണാധികാരികളും ഒക്കെ കഥാപാത്രങ്ങൾ ആയിരിക്കും.
ഇതിനായുള്ള കാസ്ററിംഗ് കാൾ ഇപ്പാൾ പോസ്ററ് ചെയ്യുകയാണെന്നും ആക്ഷൻ രംഗങ്ങൾക്ക് കൂടുതൽ പ്രാധാന്യം ഉള്ള സിനിമ ആയതിനാൽ അതിനോടു താൽപ്പര്യമുള്ളവർക്കു മുൻഗണന കൊടുക്കുന്നതായിരിക്കുമെന്നും അഞ്ചു വർഷത്തിലേറെയായി മനസ്സിൽ കൊണ്ടു നടക്കുന്ന ഈ പ്രോജക്ട് ഇന്ന് സാക്ഷാത്കരിക്കുന്നതിൽ ഏറെ സന്തോഷമുണ്ടെന്നും സംവിധായകൻ വ്യക്തമാക്കി. അതിന് ശ്രീ ഗോകുലം ഗോപാലനെ പോലെ മലയാളത്തിലെ ഏറ്റവും മുൻനിരയിൽ നിൽക്കുന്ന നിർമ്മാതാവാണ് കുടെ ഉള്ളതെന്നും തൻെറ കരിയറിലെ ഏറ്റവും നല്ല ഒരു സിനിമ പ്രതീക്ഷിക്കാമെന്നും സംവിധായകൻ കുറിച്ചിരിക്കുന്നു.