ഇസ്ലാമിക തീവ്രവാദം ചർച്ച ചെയ്യപ്പെടുമ്പോൾ വിലക്കുകളെ മറികടന്നു ബീസ്റ് എന്ന ചിത്രം തീയേറ്ററുകളിലേക്ക്!
ഇസ്ലാമിക തീവ്രവാദം ചർച്ച ചെയ്യപ്പെടുമ്പോൾ വിലക്കുകളെ മറികടന്നു ബീസ്റ് എന്ന ചിത്രം തീയേറ്ററുകളിലേക്ക്! ചിത്രത്തിന്റെ ആദ്യ പ്രദർശനങ്ങളെല്ലാം തീയേറ്ററുകളിൽ ഹൗസ് ഫുള്ളായിരുന്നു. ചിത്രത്തെ അനുകൂലിച്ചും പ്രതികൂലിച്ചുമൊക്കെ ആദ്യ പ്രേക്ഷക പ്രതികരണവും വന്നു തുടങ്ങി. ചിത്രം തങ്ങളെ നിരാശപ്പെടുത്തി എന്ന് തന്നെയാണ് ട്വിറ്ററിലും മറ്റും ആരാധകരുട കമന്റുകൾ. വിജയ്യുടെ വൺമാൻഷോ ആണ് ചിത്രമെന്ന് പറയുന്നവരും കുറവല്ല. മാസ്റ്റർ എന്ന ചിത്രം പുറത്തിറങ്ങി ഒരു വർഷത്തിന് ശേഷമാണ് ഒരു വിജയ് ചിത്രം തീയേറ്ററുകളിലെത്തുന്നത്. അവധിക്കാല ആഘോഷങ്ങൾക്ക് തുടക്കമിട്ട് വിജയ് ചിത്രം ബീസ്റ്റ് തീയേറ്ററുകളിലെത്തി. റിലീസിന് മണിക്കൂറുക്കൾക്ക് മുൻപ് തന്നെ വിജയ് ആരാധകർ തീയേറ്ററുകളിൽ ആഘോഷം തുടങ്ങിയിരുന്നു. ഇന്ന് പുലർച്ചെ നാലിനായിരുന്നു ചിത്രത്തിന്റെ ആദ്യ പ്രദർശനം.
എപ്പോഴത്തേയും പോലെ തന്നെ ബീസ്റ്റും പ്രഖ്യാപിച്ച അന്നു മുതൽ വാർത്തകളിലിടം നേടിയിരുന്നു. വിജയ്യുടെ പുറത്തിറങ്ങിയ മറ്റു ചിത്രങ്ങൾ വിവാദങ്ങളിലേക്കും വിമർശനങ്ങളിലേക്കുമൊക്കെ എത്തിപ്പെട്ടെങ്കിൽ ഇത്തവണ താരത്തിന്റെ ചിത്രത്തിന് രണ്ട് രാജ്യങ്ങൾ വിലക്ക് ഏർപ്പെടുത്തിയിരിക്കുകയാണ്. മാത്രമല്ല തമിഴ്നാട്ടിലെ തന്നെ ചില മുസ്ലീം സംഘടനകളും ചിത്രം നിരോധിക്കണമെന്നാവശ്യപ്പെട്ട് രംഗത്ത് വരുകയും ചെയ്തു. എന്തുകൊണ്ടാണ് ബീസ്റ്റിന് കുവൈറ്റും ഖത്തറും വിലക്ക് ഏർപ്പെടുത്താൻ കാരണം? മാസ്റ്റർ എന്ന ഹിറ്റിന് ശേഷം വലിയ പ്രീ- റിലീസ് ഹൈപ്പോടെ തീയേറ്ററുകളിലെത്തുന്ന ചിത്രമാണ് ബീസ്റ്റ്. പൊതുവേ വിജയ് ചിത്രങ്ങളെല്ലാം ഗൾഫ് രാജ്യങ്ങളിൽ മികച്ച കളക്ഷൻ നേടാറുണ്ട്.
മുൻപ് പുറത്തിറങ്ങിയ മാസ്റ്റർ, ബിഗിൽ എന്നീ ചിത്രങ്ങൾക്ക് മികച്ച കളക്ഷനായിരുന്നു ഗൾഫ് രാജ്യങ്ങളിൽ നിന്ന് ലഭിച്ചത്. എന്നിട്ടും എന്തുകൊണ്ട് ബീസ്റ്റിന് വിലക്ക് ഏർപ്പെടുത്തുന്നു? ഇതിന്റെ കാരണങ്ങളിലേക്ക് കടന്നാൽ അത് ചിത്രത്തിന്റെ പ്രമേയത്തെ അടിസ്ഥാനപ്പെട്ടു കിടക്കുന്നതായി കാണാം. വിലക്കിന് പ്രധാന കാരണം ചിത്രത്തിൽ ഉൾപ്പെടുത്തിയിരിക്കുന്ന ഇസ്ലാമിക തീവ്രവാദവും വയലൻസും പാക്കിസ്ഥാനെതിരെയുള്ള പരാമർശങ്ങളുമാണ്.
വിജയ്യുടെ വളരെ വ്യത്യസ്തമായ സിനിമ ആയിരിക്കും ബീസ്റ്റ് എന്ന് സംവിധായകൻ നെൽസൺ ദിലീപ് കുമാർ ഒരഭിമുഖത്തിൽ പറഞ്ഞിരുന്നു. വിജയ്യുടെ കരിയറിൽ തന്നെ ഏറ്റവും കുറവ് ഗാനങ്ങൾ ഉള്ള ചിത്രമെന്ന പ്രത്യേകതയും ബീസ്റ്റിനുണ്ട്. ആദ്യ ദിനത്തിൽ ചിത്രം ബോക്സോഫീസിൽ എത്ര കളക്ഷൻ നേടുമെന്നറിയാനുള്ള കാത്തിരിപ്പിലാണിപ്പോൾ ആരാധകർ. മാത്രമല്ല ചിത്രത്തിലെ പ്രധാന വില്ലനും സംഘവും ഇസ്ലാമിക തീവ്രവാദികളാണെന്ന കാരണവുമുണ്ടെന്ന് ചില ദേശീയ മാധ്യമങ്ങൾ റിപ്പോർട്ട് ചെയ്യുന്നു.