అభిమానులను టెన్షన్ పెడుతున్న మహేష్!!
మరోవైపు త్రివిక్రమ్ సినిమాను కూడా మొదలుపెట్టే ఆలోచనలో ఉన్న మహేష్ బాబు ఇప్పుడు దాన్ని మొదలు పెట్టవద్దు అనే ఆలోచన చేస్తుండడం అభిమానులను మరింత టెన్షన్ పెడుతోందట. ప్రస్తుతం కరోనా ఎక్కువగా ఉన్న నేపథ్యంలో ఈ సినిమా షూటింగ్ ను వాయిదా వేయాలని మహేష్ బాబు నిర్ణయించుకున్నాడట. ఇటీవలే మహేష్ బాబుకు శస్త్ర చికిత్స జరిగిన విషయం తెలిసిందే. ఓ ప్రమాదంలో ఆయన కాలు కు గాయం కాగా దానికి శస్త్ర చికిత్స చేశారు. అయితే డాక్టర్లు నాలుగు నెలల విశ్రాంతి సూచించారు.
ఆ విధంగానే ప్రస్తుతం తన భవిష్యత్తు సినిమాలకు సంబంధించిన ప్రీ ప్రొడక్షన్ పనులను చూసుకుంటున్న మహేష్ బాబు సర్కారు వారి పాట సినిమా మొదలుపెట్టడానికి ఎక్కువగా ఆసక్తి చూపించడం లేదు. డాక్టర్లు సూచించిన విశ్రాంతి కూడా ఇంకా మూగియక పోవడంతో ఈ సినిమాను మరొక రెండు నెలల తర్వాత మొదలుపెట్టి ఆగస్టు కు విడుదల చేయాలని ఆయన భావిస్తున్నాడట. ఈ నేపథ్యంలో సంక్రాంతికి ప్రేక్షకుల ముందుకు రావాల్సిన ఈ సినిమా ఆగస్టులో విడుదల అవ్వడం అంటే అభిమానులకు తీవ్ర నిరాశ కలిగించినట్లే అని చెప్పాలి. ఈ నేపథ్యంలో అభిమానుల బాధను అర్థం చేసుకొని మహేష్ బాబు తొందరగా ఈ సినిమా ను విడుదల చేస్తారు అనేది చూడాలి