നന്മയുള്ള മനുഷ്യർ ഇനിയും മരിക്കാത്ത നാട്ടിൽ പുതുവർഷം'; ശ്രദ്ധ നേടി സംവിധായകൻ്റെ കുറിപ്പ്!
നന്മയുള്ള മനുഷ്യർ ഇനിയും മരിക്കാത്ത നാട്ടിൽ പുതുവർഷം'; ശ്രദ്ധ നേടി സംവിധായകൻ്റെ കുറിപ്പ്!കഴിഞ്ഞ ദിവസം നടന്ന നടുക്കുന്ന സംഭവങ്ങളിൽ അഫ്ഗാൻ ജനതയ്ക്ക് പിന്തുണയുമായി മലയാളത്തിലെ യുവതാരങ്ങളായ പൃഥ്വിരാജ് സുകുമാരൻ, ടൊവിനോ തോമസ്, ഗായകരായ സിത്താര കൃഷ്ണകുമാർ, ഹരീഷ് ശിവരാമകൃഷ്ണൻ, സംവിധായകൻ ജൂഡ് ആൻ്റണി ജോസഫ്, നടി സാധിക തുടങ്ങിയവരൊക്കെ എത്തിയിരുന്നു. അതിനു പിന്നാലെ ഇപ്പോഴിതാ സംവിധായകൻ അരുൺ ഗോപിയും പിന്തുണ പ്രഖ്യാപിച്ച് രംഗത്തെത്തിയിരിക്കുകയാണ്. അഫ്ഗാൻ ജനതയ്ക്ക് ഐക്യദാർഢ്യം പ്രഖ്യാപിച്ച് സിനിമാ രംഗത്ത് നിന്ന് കൂടുതൽ പേർ മുന്നോട്ട് വരികയാണ് ഇപ്പോൾ. 'കാബൂളും കേരളവും ഒന്നും ദൂരം കൊണ്ട് അളക്കണ്ട..!! മതം തീർക്കുന്ന തീവ്രതയിൽ മനുഷ്യനെ മറക്കുന്നവരെ എല്ലായിടത്തും തിരിച്ചറിയുക!! നന്മയുള്ള മനുഷ്യർ ഇനിയും മരിക്കാത്ത നാട്ടിൽ പുതുവർഷം ആശംസിക്കാതെ വയ്യ' എന്നാണ് സംവിധായകൻ ഫേസ്ബുക്കിൽ കുറിച്ചിരിക്കുന്നത്, കുറിപ്പിൻ്റെ പൂർണ്ണരൂപം ഇങ്ങനെയാണ്.
ചൈനയിലെ വുഹാനിൽ കോവിഡ് പടർന്നപ്പോൾ അതങ്ങു ചൈനയിൽ അല്ലേയെന്നു ആശ്വസിച്ചിരുന്ന ജനതയാണ് നമ്മൾ... കാബൂളും കേരളവും ഒന്നും ദൂരം കൊണ്ട് അളക്കണ്ട..!! മതം തീർക്കുന്ന തീവ്രതയിൽ മനുഷ്യനെ മറക്കുന്നവരെ എല്ലായിടത്തും തിരിച്ചറിയുക!! നമ്മുടെ ജീവിതത്തിലും രാഷ്ട്രീയത്തിലും സംസ്കാരത്തിലും കലയിലും എന്തിനേറെ വിദ്യാഭ്യാസത്തിൽ പോലും മതം കുത്തിനിറച്ചു അവര് ഇല്ലാതാക്കാൻ ശ്രമിക്കുന്ന നമ്മളെത്തന്നെയാണെന്നു അറിഞ്ഞു ഒറ്റപ്പെടുത്തുക, ഇല്ലെങ്കിൽ പലായനം എന്നത് കേട്ടുകേൾവി അല്ലാതാകാൻ കാലതാമസം വരില്ല!! നന്മയുള്ള മനുഷ്യർ ഇനിയും മരിക്കാത്ത നാട്ടിൽ പുതുവർഷം ആശംസിക്കാതെ വയ്യ, അതുകൊണ്ടു മാത്രം നല്ല പുലരികൾക്കായി പ്രതീക്ഷയോടെ പുതുവർഷാശംസകൾ.'
അതേസമയം നിരവധി പേരാണ് അനുകൂലിച്ചുകൊണ്ട് കമൻ്റിട്ടിരിക്കുന്നത്. ഇതിനു സമാനമായി മറ്റൊരു നടൻ ഫേസ്ബുക്കിൽ കുറിച്ച വാക്കുകളും ശ്രദ്ധ നേടുന്നുണ്ട്. നടൻ ആര്യൻ ഫേസ്ബുക്കിൽ കുറിച്ച വാക്കുകളാണ് ഇപ്പോൾ ഇതിനൊപ്പം ശ്രദ്ധ നേടുന്നത്. അതിങ്ങനെയാണ്. #SaveAfghanistan campaign ന്‌ #savepalestine campaign ന്റെ അത്രയും ശക്തി കിട്ടാത്തത്‌ ഒരു അത്ഭുതമായി ഇപ്പോൾ കാണാനും പറ്റുന്നില്ലെന്നും ഏത്‌ തീവ്രവാദവും എതിർക്കപ്പെടേണ്ടതാണെന്നും നടൻ കുറിച്ചിരിക്കുന്നു. കുറിപ്പിൻ്റെ പൂർണ്ണ രൂപം ഇങ്ങനെയാണ്. ''ഏത്‌ തീവ്രവാദവും എതിർക്കപ്പെടേണ്ടതാണ്‌. ഹിന്ദുത്വ തീവ്രവാദത്തെ എതിർത്ത്‌ സ്ഥിരം പോസ്റ്റ്‌ ചെയ്യുന്നവർ താലിബാനിസത്തെ കണ്ടില്ല എന്ന് നടിക്കുന്നതിനെ നിഷ്കളങ്കമായി കാണാൻ സാധിക്കുന്നില്ല.
#SaveAfghanistan campaign ന്‌ #savepalestine campaign ന്റെ അത്രയും ശക്തി കിട്ടാത്തത്‌ ഒരു അത്ഭുതമായി ഇപ്പോൾ കാണാനും പറ്റുന്നില്ല.''താൻ വിശ്വസിക്കുന്ന മതത്തിന്റെ നല്ലതിനെ കാണാതെ, തന്റെ ആവശ്യങ്ങൾക്ക്‌ അനുസരിച്ച്‌ ഗ്രന്ഥങ്ങളിലെ വരികൾ വളച്ചൊടിച്ച്‌ ആ വിഷം പുരട്ടിയ അജണ്ടകൾ മനസ്സിൽ വച്ച്‌ ശരികൾക്കൊപ്പം നിൽക്കുന്നൂ എന്ന് മറ്റുള്ളവരെ തെറ്റ്‌ ധരിപ്പിച്ച്‌ സ്വയം ശക്തി നേടുന്ന നമുക്കിടയിൽ വേഷം മാറി വളരുന്ന ഈ സാത്താന്മാരെ തിരിച്ചറിയേണ്ടത്‌ കാലത്തിന്റെ അനിവാര്യതയാണ്‌. Afghanistan ൽ നിന്നും India യിലേക്കുള്ള ദൂരം വെറും 642 കിലോമീറ്ററുകൾ മാത്രം ആണ്‌.' ആര്യൻ്റെ കുറിപ്പും വലിയ രീതിയിൽ ശ്രദ്ധ പിടിച്ചു പറ്റിക്കഴിഞ്ഞു. ചിത്രത്തിന് കമൻ്റുമായി നിരവധി പേരാണ് എത്തിയിട്ടുള്ളത് എന്നും കുറയ്‌പ്പിൽ പറയുന്നു.