500 కోట్ల బడ్జెట్ కేవలం 120 రోజుల్లోనా.. ఎలా కుదిరిద్ది బాసు..!

shami
బాహుబలి తర్వాత ప్రభాస్ అన్ని భారీ ప్రాజెక్టులే చేస్తున్నాడు. రాధే శ్యామ్ తరువాత నాగ్ అశ్విన్ డైరక్షన్ లో ఓ భారీ బడ్జెట్ మూవీ ప్లాన్ చేశాడు. ఇదికాకుండా ఓం రౌత్ డైరక్షన్ లో ఆదిపురుష్ అంటూ మరో భారీ ప్రాజెక్ట్ కూడా ఫిక్స్ చేసుకున్నాడు ప్రభాస్. టి సీరీస్ నిర్మిస్తున్న ఈ సినిమాలో ప్రభాస్ రాముడు పాత్రలో నటిస్తాడని తెలుస్తుంది. అంతేకాదు సినిమాలో రావణుడిగా సైఫ్ ఆలీ ఖాన్ నటిస్తున్నాడని ప్రకటించారు.
500 కోట్ల భారీ బడ్జెట్ తో తెరకెక్కే ఈ సినిమా కేవలం 120 రోజుల్లో పూర్తి చేసేలా స్కెచ్ వేశారట డైరక్టర్ ఓం రౌత్. ఆ సినిమా కథ ఏంటో.. పెట్టె బడ్జెట్ ఏంటి.. తీయాలనుకునే రోజులు ఏంటి అని ఆశ్చర్యపోవచ్చు. కానీ ఓం రౌత్ పక్కా ప్లానింగ్ తోనే ఈ సినిమా షెడ్యూల్ ప్లాన్ చేశారట. సినిమా మొత్తం ఇండోర్ లోనే షూట్ చేస్తారట. కొన్ని సీన్స్ మాత్రమే అవుట్ డోర్ లో చేయాల్సి వస్తుందట. అందుకే సినిమాను అనుకున్న 120 రోజుల్లో పూర్తి చేస్తామని చిత్రయూనిట్ చెబుతుంది.
జనవరిలో షూటింగ్ మొదలుపెట్టి జూన్, జూలై కల్లా సినిమా పూర్తి చేయాలని అనుకుంటున్నారట. ఇక ఈ సినిమాలో రాముడు పాత్రలో ప్రభాస్ నటిస్తుంటే సీతగా ఎవరు చేస్తారా అన్న ఆసక్తి మొదలైంది. అంతేకాదు సినిమాలో మిగతా స్టార్ కాస్ట్ మీద కూడా ఆడియెన్స్ ఆసక్తిగా ఎదురుచూస్తున్నారు. భారీ బడ్జెట్ తో తెరకెక్కే ఈ సినిమాతో మరోసారి బాలీవుడ్ బాక్సాఫీస్ పై తన స్టామినా ప్రూవ్ చేసుకోనున్నాడు ప్రభాస్.                                                         
  
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

prabhas-adipurush ramu indore bollywood naga aswin june lie

సంబంధిత వార్తలు: