હૃતિકની 'સુપર 30'ને મળ્યો લોકોનો પ્રેમ
બૉલિવૂડ એક્ટર હૃતિક રોશન અને મૃણાલ ઠાકુરની મોસ્ટ એવેટેડ ફિલ્મ 'સુપર 30' આજે રિલીઝ થઇ છે ત્યારે આ ફિલ્મને લોકો તરફથી ખૂબ જ સારો રિસપોન્સ મળી રહ્યો છે. ફિલ્મના સ્ક્રિનિંગ બાદ અનેક લોકોએ સોશિયલ મીડિયામાં આ અંગેના પોતાના રિવ્યૂ આપવાના શરુ કર્યા હતાં જેમાં એવો ઉલ્લેખ કરવામાં આવ્યો હતો કે આ ફિલ્મ ભાવનાઓથી ભરપૂર છે. તો કેટલાક લોકોએ આ ફિલ્મમાં હૃતિકના કામના ખૂબ જ વખાણ કર્યા છે. જાણિતા ફિલ્મ નિર્માતા ગિરીશ જોહરે આ અંગે ટ્વિટ કરતા કહ્યું હતું કે 'આ ફિલ્મમાં હૃતિકે આજ સુધીનું પોતાનું બેસ્ટ પર્ફોમન્સ આપ્યું છે તે તમને રોવા, તાલી વગાડવા અને વખાણ કરવા સુધી મજબૂર કરી દેશે.'
આ ઉપરાંત દિલ્હીમાં એક શૉ દરમ્યાન કેટલાક લોકો આ ફિલ્મના ગીત બસંતી નો ડાન્સ પર નાચતા જોવા મળ્યા હતાં. ફેન્સનો આ જ પ્રેમ દર્શાવે છે કે તેમને હૃતિકની આ ફિલ્મ કેટલી ગમી હશે.