రామ రావణ రాజ్యం.. ఫ్యాన్స్ కు షాక్..!
రాజమౌళి చేస్తున్న ఆర్.ఆర్.ఆర్ సినిమాపై రోజుకో సెన్సేషన్ న్యూస్ బయటకు వస్తుంది. ఎన్.టి.ఆర్, రాం చరణ్ కలిసి చేస్తున్న ఈ మూవీని డివివి దానయ్య 300 కోట్ల భారీ బడ్జెట్ తో రాబోతుంది. ఈమధ్య ముహుర్త కార్యక్రమాలను పూర్తి చేసుకున్న ఈ సినిమా నవంబర్ 19 అనగా సోమవారం నుండి రెగ్యులర్ షూట్ కు వెళ్తుంది.
ఇక ఈ సినిమా టైటిల్ గా ఆర్.ఆర్.ఆర్ అని ఎనౌన్స్ చేసిన రాజమౌళి ఈమధ్య టైటిల్ గా రామ రావణ రాజ్యం అని ఫిక్స్ చేశారని అన్నారు. అయితే రామ రావణ రాజ్యం అన్న టైటిల్ ఫైనల్ కాదని తెలుస్తుంది. లీకైన టైటిల్ ను బట్టి రాముడిగా రాం చరణ్, రావణుడిగా ఎన్.టి.ఆర్ నటిస్తున్నాడని అన్నారు.
అంతేకాదు రావణుడిగా ఎన్.టి.ఆర్ నెగటివ్ షేడ్స్ ఉన్న పాత్రలో కనిపిస్తాడని టాక్. అయితే రామ రావణ రాజ్యం ఫైనల్ టైటిల్ కాదని ఆ టైటిల్ ను బట్టి క్యారక్టర్స్ డిసైడ్ చేయలేమని అంటున్నారు. ఇక ఈ ప్రాజెక్ట్ లో హీరోయిన్స్ గా కీర్తి సురేష్, కియరా అద్వానిల పేర్లు వినపడుతున్నాయి.
కరణ్ జోహార్ మాత్రం జాన్వి కపూర్ ను ఆర్.ఆర్.ఆర్ లో నటింపచేయాలని చూస్తున్నాడు. మరి ఆర్.ఆర్.ఆర్ అంటే రామ రావణ రాజ్యం అని ఫిక్స్ అయిన ఫ్యాన్స్ కు టైటిల్ అది కాదని షాక్ ఇస్తున్నారు. మరి సినిమా అసలు టైటిల్ ఏంటి కథ ఎలా ఉండబోతుంది అన్న విషయాలపై ఇంకా క్లారిటీ రావాల్సి ఉంది.