ஸ்டூடியோ க்ரீன் தயாரிக்கும் 12-வது திரைப்படம் குறித்த முக்கிய தகவல்
'சில்லுனு ஒரு காதல்' திரைப்படத்தின் மூலம் தயாரிப்பாளரான கே.ஈ.ஞானவேல் ராஜா. இதையடுத்து பல வெற்றிப்படங்களை தயாரித்து வந்தார்.
இந்நிலையில் அவருடைய 'ஸ்டூடியோ க்ரீன்' நிறுவனம் தயாரிக்கவுள்ள 12-வது திரைப்படம் குறித்த முக்கிய தகவல், தற்போது வெளியாகியுள்ளது.
இதுவரை பல வெற்றி திரைப்படங்களை தயாரித்து வந்த ஞானவேல் ராஜா, முதன்முறையாக தெலுங்கு நடிகர் அல்லு அர்ஜுன் நடிக்கவுள்ள படத்தை தயாரிக்கவுள்ளார். இந்த படத்தை லிங்குசாமி இயக்கவுள்ளார். இந்த படம் தமிழில் உருவாகவுள்ளதா அல்லது தெலுங்குவிலா என்பது போன்ற அறிவிப்புகள் எதுவும் வெளிவரவில்லை.
எனவே இப்படம் குறித்த மேலும் சில தகவல்கள், முறையாக வெளிவரும் என எதிர்ப்பார்க்கப்படுகிறது.