ஜெயம் ரவியின் 'டிக் டிக் டிக்' திரைப்படத்தில் இளம் நடிகை
'மிருதன்' திரைப்படத்திற்கு பிறகு ஜெயம் ரவி, இரண்டாவது முறையாக ஷக்தி சௌந்தர்ராஜன் இயக்கத்தில், 'டிக் டிக் டிக்' என்ற திரைப்படத்தில் நடிக்க உள்ளார். இந்த படத்தில் நடிக்க, இளம் நடிகை ஒருவர் தற்போது ஒப்பந்தமாகியுள்ளார்.
அவர் யார் தெரியுமா?... கெஸ் பணமுடியவில்லையா...நானே சொல்லிடுறேன்... 'ஒரு நாள் கூத்து' திரைப்படத்தில் ஹீரோயினாக நடித்த நிவேதா பெத்துராஜ் தான் இந்த படத்தில் நடிக்க ஒப்பந்தமாகியுள்ளார். இவர் ஜெயம் ரவிக்கு ஜோடியாக நடிக்க போவதில்லை.
இந்த படத்தில் உள்ள ஒரு முக்கியமான ரோலில் நடிக்கவுள்ளதாக, படக்குழுவினர் தெரிவித்துள்ளனர். மேலும் வித்தியாசமாக, விண்வெளி சம்மந்தப்பட்ட கதையை கொண்டு இப்படம் உருவாகவுள்ளது.
இதன் படப்பிடிப்பு வரும் அக்டோபர் மாதம் இரண்டாவது வாரம், தொடங்கவுள்ளது. இசையமைப்பாளர் டி.இமான் இந்த படத்திற்கு இசையமைக்கவுள்ளார்.