தனுஷ் தயாரிப்பில் ரஜினியின் அடுத்த படம்....
கடந்த மாதம் ரஜினிகாந்த் நடிப்பில் வெளிவந்த 'கபாலி' திரைப்படம், தற்போது சக்கை போடு போட்டு வருகிறது. இந்நிலையில் ரஜினியின் அடுத்த படம் குறித்த அறிவிப்புகள் வெளியாகியுள்ளது.
ஷங்கர் இயக்கத்தில் ரஜினி தற்போது '2.ஓ' திரைப்படத்தில் நடித்து வருகிறார். இந்த படம் அடுத்த ஆண்டு ஏப்ரல் மாதம் வெளிவர உள்ளது.
இந்நிலையில், நேற்று ரஜினியின் மருமகனும், நடிகருமான தனுஷ் தனது டிவிட்டர் வலைதள பக்கத்தில், ஓர் அறிவிப்பை வெளியிட்டுள்ளார்.
அதில் ரஜினிகாந்த் நடிக்கவுள்ள அடுத்த படத்தை, தனது வுண்டர்பார் பிலிம்ஸ் பேனர் தயாரிக்கவுள்ளதாகவும், இந்த படத்தை, கபாலி இயக்குனர் பா.ரஞ்சித் இயக்கவுள்ளதாகவும் குறிப்பிட்டிருந்தார்.
2.ஓ திரைப்படம் முடிந்ததும், ரஜினி இந்த படத்தில் நடிப்பார் என தெரிகிறது. மேலும் இந்த படம் கபாலி -2 வா.... அல்லது வேறு படமா என்று தெரியவில்லை. எனினும் இப்படம் குறித்த அறிவிப்புகள் விரைவில் வெளிவரும் என எதிர்ப்பார்க்கப்படுகிறது.