షాక్ : మలయాళ గ్యారేజ్ లో మోహన్ లాల్ హీరోనా..?
యంగ్ టైగర్ ఎన్.టి.ఆర్, సక్సెస్ ఫుల్ డైరక్టర్ కొరటాల శివ కాంబినేషన్లో వస్తున్న జనతా గ్యారేజ్ ఇప్పటికే రిలీజ్ అయిన టీజర్ తో ఎన్నో సంచలనాలు క్రియేట్ చేసింది. తారక్ ను సరికొత్తగా చూపించడంలో సత్తా చాటిన శివ సినిమా కూడా ఎన్.టి.ఆర్ అభిమానులకు ఓ ఫీస్ట్ లా ఉంటుందని అంటున్నాడు. మలయాళ సూపర్ స్టార్ మోహన్ లాల్ కూడా ఇందులో ప్రధాన పాత్ర వహిస్తున్నాడు కాబట్టి జనతా గ్యారేజ్ కు మలయాళ వాసన కూడా తగలనుంది. అంతేకాదు సినిమా తెలుగు వర్షన్ లో ఎన్.టి.ఆర్ హీరో అయితే మలయాళ వర్షన్లో మోహన్ లాల్ హీరో అవుతాడట.
మోహన్ లాల్ అంటే మలయాళ పరిశ్రమలో సూపర్ స్టార్ ఇమేజ్ ఉన్న హీరో. అయితే అలాంటి ఇమేజ్ ఉన్న తనని కేవలం ఓ క్యారక్టర్ తో సరిపెట్టేస్తే అక్కడ ఫ్యాన్స్ హర్ట్ అవుతారు. అందుకే కేవలం మలయాళ వర్షన్ లో ముగింపు మాత్రం మోహన్ లాల్ క్యారక్టర్ ప్రధానాంశంగా చేస్తున్నారట. మరి ఇది ఎంతవరకు నిజమన్నది తెలియదు కాని ఫిల్మ్ నగర్ లో ఇప్పటికే ఈ న్యూస్ చెక్కర్లు కొడుతుంది. ఇక ఓ పక్క ఎన్.టి.ఆర్ సినిమాకు సంబందించిన రెండు క్లైమాక్స్ అభిప్రాయాల పట్ల అసంతృప్తిగా ఉన్నాడట.
ఓ పక్క షూటింగ్ జెట్ స్పీడ్ తో జరుగుతున్న ఈ సందర్భంలో మలయాళ వర్షన్ గురించిన ఈ న్యూస్ బయటకు రావడంతో ఫ్యాన్స్ కూడా తెగ ఆందోళనలో ఉన్నారు. మరి తెలుగు మలయాళంలో ఒకే క్లైమాక్స్ తో రిలీజ్ అవుతుందా లేక మోహన్ లాల్ కోసం అక్కడ ముగింపు వేరేలా ఇస్తారా అన్నది సినిమా వస్తేనే గాని చెప్పలేం. సమంత, నిత్యా మీనన్ హీరోయిన్స్ గా నటిస్తున్న జనతా గ్యారేజ్ సినిమాను మైత్రి మూవీ మేకర్స్ నిర్మిస్తున్నారు. ఆగష్టు 12న ఆడియో రిలీజ్ ప్లాన్ చేస్తున్న ఈ సినిమా రిలీజ్ సెప్టెంబర్ 2న అంటూ ప్రచారం జరుగుతుంది.