4 படம்.. 4 படம்.. 10 நாளைக்குள் 4 படங்கள் வருது...
சென்னை:
தொடர்ந்து வருது... 4 படங்கள்... 4 படங்கள் என்று கோடம்பாக்கம் உறுமி அடித்து சொல்லுகிறது. யாருக்கு என்று கேட்கிறீர்களா?
வேறு யார்... கோடம்பாக்கத்தை மடித்து தன் கைக்குள் வைத்துள்ள நயன்தாராவிற்குதான். தமிழில் முன்னணியில் இருக்கும் நயன்தாரா நடிக்கும் படங்களுக்கு தனி மவுசு இருக்கிறது என்பதை அனைவரும் ஒத்துக்கொள்ள வேண்டும்.
வாங்கும் சம்பளத்திற்காக நடிக்காமல் மனமொத்து நடித்து ரசிகர்களை கவர்ந்து இழுத்துள்ளார். வரும் ஆகஸ்ட் 12–ந்தேதிக்குள் நயன்தாரா நடிப்பில் 4 படங்கள் திரைக்கு வருகிறது என்பது முக்கியமான செய்திதானே! அட அவரோட ரசிகர்களுக்குங்க!
தமிழில் டப் செய்யப்பட்டுள்ள “துபாய் ராணி”, “அதிரடி அர்ஜீன்” படங்களும், ஜீவாவுடன் நடித்த “திருநாள்” படமும், தெலுங்கு நடிகர் வெங்கடேசுடன் நடித்த “பாபு பங்காராம்” தமிழில் “செல்வி” என்ற பெயரில் வெளியாகிறது. இந்த படங்கள் அனைத்தும் நயன்தாராவை முன் நிறுத்தியே வெளியாகிறது. வரும் ஆக.12ம் தேதிக்குள் இந்த படங்கள் ரிலீஸ் ஆகிறது என்பது குறிப்பிடத்தக்கது.