ஆசை... ஆசை.... நல்லா நடிக்க ஆசை... சிரிஷ் சொல்றார்...
சென்னை:
நான்... நானாகவே இருக்கணும். யாரோட நடிப்பும் என்னில் தெரிய கூடாது. எனக்கென்று தனி பாணியுடன் வித்தியாசமான கதாபாத்திரங்களில் நடிக்க ஆசைப்படுகிறேன் என்று ஆசை ஆசையாக சொல்றார் மெட்ரோ கதாநாயகன் சிரிஷ் சரவணன்.
குறைந்த பட்ஜெட்டில் எடுக்கப்பட்ட மெட்ரோ வசூலில் மட்டுமில்ல... நடித்தவர்களின் சூப்பர் நடிப்பாலும் நல்ல பெயரை அள்ளிக் குவிச்சுக்கிட்டு இருக்கு. இந்த படத்தை பிறமொழிகளில் தயாரிக்கவும் ஏற்பாடுகள் மும்முரமாக நடக்கிறது. இந்த படத்தில் நடித்த ஹீரோ சிரிஷ் சரவணனுக்கு படங்கள் குவிகிறது.
இவர் கூறும்போது... யாரோட பாதிப்பும் இல்லாம எனக்கென்று தனி பாணியுடன் நடிக்கணும். வித்தியாசமான கதாபாத்திரங்களில் நடிக்கணும். நடிப்பு பயிற்சி, நடனம் கற்றேன். ‘மெட்ரோ’வில் என் நடிப்பு கவர்ந்துவிட்டதாக சொல்றாங்க. இதை மேலும் மேலும் வளர்த்துக் கொள்ளணும் என்பதுதான் என் ஆசை... என்கிறார் நடிப்பு மீதுள்ள ஆசையால்...