இறுதி கட்டத்தில் சசிகுமாரின் 'கிடாரி'
'வெற்றிவேல்'படத்திற்குப் பிறகு சசிகுமார் நடித்து வரும் படம் 'கிடாரி'. தனது கம்பெனி புரொடக்ஷன் சார்பில் அவரே தயாரிக்கிறார்.'வெற்றிவேல்' படத்தில் நடித்த நிகிலா விமல் 'கோடாரி' படத்திலும் சசிகுமார் ஜோடியாக நடிக்கிறார். வசந்தபாலனின் உதவியாளர் பிரசாந்த் முருகன் இயக்குகிறார்.
துர்பகா சிவ என்ற புதுமுகம் இசையமைக்கிறார். எஸ்.ஆர்.கதிர் ஒளிப்பதிவு செய்கிறார். கடந்த மார்ச் மதம் தொடங்கிய இதன் படப்பிடிப்புகள் இறுதி கட்டத்தை அடைந்துள்ளது. இன்னும் 10 சதவிகித படப்பிடிப்பே பாக்கி உள்ளது.
இதுவும் சசிகுமாரின் வழக்கமான ஆக்ஷன் படம் என்றாலும் கதையும், காலமும் வித்தியாசமானது. படப்பிடிப்பை வேகமாக முடித்து தீபாவளி வெளியீடாக படத்தை கொண்டு வர முடிவு செய்திருக்கிறார். 'பரமன்', 'தாரை தப்பட்டை' 'வெற்றிவேல்' என தொடர் தோல்விகளுக்கு பிறகு ஒரு வெற்றி கட்டாய தேவை என்ற நிலையில் சசிகுமார் இருப்பதால் படத்தை பார்த்து பார்த்து செதுக்கி வருகிறார்கள்.