எப்போ வருவாங்க... எப்போ வருவாங்க... தல, தளபதி ரசிகர்கள் ஏக்கம்
சென்னை:
மார்ச் மாதம்தான் உள்ளே வந்தார்... இப்போ 1 மில்லியனை தொட்டு விட்டார். நம்ம தலயும், தளபதியும் வந்தால் நாமதான் பர்ஸ்ட். எப்போ வருவாங்க... எப்போ வருவாங்க என்று ஏங்கி கிடக்கின்றனர் ரசிகர்கள்.
விஷயம் இதுதான்ங்க. கடந்த மார்ச் மாதத்தில்தான் டுவிட்டரில் கணக்கு ஆரம்பித்தார் நடிகர் சூர்யா. அதற்குள் 1 மில்லியன் பாலோயர்களை பெற்று விட்டார். பாலோயர்கள் கணக்கில் இங்கும் இவர்தான் சூப்பர் ஸ்டாராக இருக்கிறார். வேறு யார் நம்ம ரஜினிதாங்க. 3 மில்லியன் பாலோயர்களுடன் முதலிடத்தில் உள்ளார். இதற்கு அடுத்து தனுஷ், சித்தார்த், சிவகார்த்திகேயன் ஆகியோர் உள்ளனர்.
இந்நிலையில் இந்த 1 மில்லியன் கிளப்பில் தற்போது சூர்யாவும் இணைந்து விட்டார். ஆனால் சமூக வலைதளங்களில் அதிகம் இடம் பிடித்துள்ளவர்கள் தல, தளபதி ரசிகர்கள்தான். இவர்கள் இருவரும் இன்னும் இங்கு வராததால் எப்போ வருவாங்க என்று ரசிகர்கள் எதிர்பார்த்து உள்ளனர். வருவாங்களா? வருவாங்களா?