காக்கா முட்டை வெற்றிக்கு பிறகு மணிகண்டன் இயக்கி உள்ள படம் ‘குற்றமே தண்டனை’. விதார்த், ஐஸ்வர்யா ராஜேஷ், பூஜா தேவரியா, ரகுமான், நாசர் ஆகியோர் நடித்துள்ளனர். இளையராஜா இசை அமைத்துள்ளார். மணிகண்டனே ஒளிப்பதிவும் செய்துள்ளார்.
இந்த படம் ஒரு க்ரைம் திரில்லர். ஒரு நெருக்கடியான அப்பார்ட்மென்டில் தனியாக வசிக்கும் ஒரு பெண் கொல்லப்படுகிறாள். அவளை கொன்றது யார் என்பதை போலீஸ் விசாரிக்கிறது. அதை திகிலாவும், திகைக்க வைக்கும் திருப்பங்களுடனும் சொல்லும் படம். உண்மையான குற்றவாளி பிடிபட்டனா, தப்பித்தனா என்பது கதை.
"ஒருவன் செய்யும் குற்றமே அவனை தூங்கவிடாமல் செய்து அனுஅனுவாக சித்ரவதை செய்யும் அதுவே அவனுக்கு பெரிய தண்டனை" என்ற கருத்தை சொல்லும் படம். படத்தின் டிரைலரை தென்னிந்திய நடிகர் சங்கத் தலைவர் நாசர், செயலாளர் விஷால், துணை தலைவர் பொன்வண்ணன் ஆகியோர் வெளியிட்டனர்.
