మనీ : రూ.323 తో హెల్త్ ఇన్సూరెన్స్ పాలసీ.. కానీ మనుషులకు కాదండోయ్..!!
ఆరోగ్య బీమా అయిన ఎఫ్ జి డాగ్ హెల్త్ కవర్ ను తాజాగా ప్రారంభించినట్టు ప్రకటించడం జరిగింది. ఇక మీరు కూడా మీ పెంపుడు కుక్కలకు హెల్త్ ఇన్సూరెన్స్ లో చేయించవచ్చు. ఇక ఈ బీమా కింద మీ పెంపుడు జంతువులను ఆసుపత్రిలో చేర్పించడం, శస్త్రచికిత్స, మరణాలు, అంత్యక్రియలకు ఖర్చు , ప్రాణాంతక అనారోగ్యం వంటివాటికి పాలసీ సహాయపడుతుంది. అంతేకాదు పెంపుడు జంతువులు మరణిస్తే ఈ కవర్ ద్వారా వాటిని పోషించే వారికి పాలసీ డబ్బులు వస్తాయి అన్నమాట.
బీమా పాలసీ తీసుకునేటప్పుడు మీ పెంపుడు జంతువు యొక్క వయసు ఆరు నెలల నుండి నాలుగు సంవత్సరాల మధ్య ఉండాలి. ఇక కుక్కలకు, చిన్న జంతువులకు ఏడు సంవత్సరాల వరకు గడువు వర్తిస్తుంది.. ఇక తాజాగా ఫ్యూచర్ జెనరాలి ఇండియా ఇన్సూరెన్స్ చీఫ్ మార్కెటింగ్ ఆఫీసర్ అయిన రుచిక మల్హన్ మాట్లాడుతూ పెంపుడు జంతువులు కూడా కుటుంబంలో ఒక భాగం. ముఖ్యంగా మా కస్టమర్లకు జీవితకాల భాగస్వామి అయిన బ్రాండ్గా వారి అభివృద్ధి చెందుతున్న జీవనశైలి అవసరాలకు అనుగుణంగా మేము నిరంతరం కృషి చేస్తూనే ఉంటాము.. అందుకే పెంపుడు జంతువుల కోసం కూడా ఇలాంటి ఆరోగ్య బీమా పథకం తీసుకొచ్చాము అని స్పష్టం చేశారు. ఇందుకోసం మీరు మీ పెంపుడు జంతువు పైన పాలసీ ఓపెన్ చేసి 323 రూపాయలతో పాలసీ కట్టాల్సి ఉంటుంది.