RC16: ఆ బ్లాక్ బస్టర్ డైరెక్టర్ తో సినిమా.. ఇక పూనకాలే?
అయితే చరణ్ 16వ మూవీని ఓ కన్నడ దర్శకుడు డైరెక్ట్ చేయబోతున్నట్టు న్యూస్ వినిపించింది. కాని ఇదంతా ప్రచారమే అని అంటున్నారు సినిమా జనాలు. అంతే కాదు ఈ విషయంలో మేకర్స్ నుండి ఎలాంటి అధికారిక ప్రకటన రాలేదు.ఇక చరణ్ తో సినిమా లిస్ట్ లో తాజాగా మరో దర్శకుడి పేరు వినిపిస్తుంది. ఇటీవలే విక్రమ్తో సంచలన విజయం సాధించిన లోకేష్ కనగరాజ్ దర్శకత్వంలో RC16 తెరకెక్కుతున్నట్లు కోలీవుడ్ వర్గాల్లో వినిపిస్తుంది. రామ్ చరణ్ తో సినిమా కోసం లోకేష్ చాలా రోజులుగా చూస్తున్నాడు. చరణ్ తనకు మంచి మిత్రుడని.. ఆయనకు ఓ లైన్ కూడా వినిపించానని కొన్ని రోజుల క్రితం ఓ ఇంటర్వ్యూలో చెప్పాడు లోకేష్. అయితే అది ఇంత త్వరగా అవుతుందని ఎవరూ అనుకోలేదు.లోకేష్ ప్రస్తుతం విజయ్తో సినిమా చేస్తున్నాడు. ఆ తర్వాత కార్తితో ఖైదీ సీక్వెల్ తెరకెక్కించనున్నాడు. ఇక ఈ రెండు ప్రాజెక్ట్ల తర్వాతే రామ్చరణ్ సినిమా పట్టాలెక్కనుందట. దీనిపై అధికారికంగా ప్రకటన రావాల్సి ఉంది.