అల్లరి నరేష్ కొత్త సినిమా టైటిల్ మరియు ఫస్ట్ లుక్ పోస్టర్ విడుదల..!
టాలీవుడ్ ఇండస్ట్రీ లో మంచి టాలెంట్ ఉన్న నటుల్లో ఒకరు ఆయన అల్లరి నరేష్ గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు . అల్లరి నరేష్ ఇప్పటికే తన కెరీర్ లో ఎన్నో కామెడీ సినిమా ల్లో నటించి ప్రేక్షకులను కడుపుబ్బా నవ్వించడం మాత్రమే కాకుండా , ఎన్నో సినిమాల్లో తన వైవిధ్యమైన నటనతో కూడా ప్రేక్షకులను కట్టి పడేశాడు .
మరీ ముఖ్యంగా అల్లరి నరేష్ తన కెరియర్ లో గమ్యం , నాంది మూవీలలో తన నట విశ్వరూపం చూపించాడు. ఈ రెండు మూవీ లు కూడా అద్భుతమైన విజయాన్ని సాధించాయి. ఇది ఇలా ఉంటే కొంత కాలం క్రితం విడుదల అయిన నాంది మూవీ తో అల్లరి నరేష్ అద్భుతమైన విజయాన్ని బాక్సా ఫీస్ దగ్గర అందుకున్న విషయం మనకు తెలిసిందే. ఈ మూవీ కి విజయ్ కనకమేడల దర్శకత్వం వహించాడు. ఇది ఇలా ఉంటే అల్లరి నరేష్ ప్రస్తుతం మరోసారి విజయ్ కనకమేడల దర్శకత్వంలో తెరకెక్కుతున్న మూవీ లో హీరోగా నటిస్తున్న విషయం మనకు తెలిసిందే.
తాజాగా ఈ మూవీ యూనిట్ ఈ సినిమా టైటిల్ ను మరియు ఫస్ట్ లుక్ పోస్టర్ ను విడుదల చేసింది. ఈ మూవీ టైటిల్ ని 'ఉగ్రం' గా చిత్ర బృందం ఖరారు చేసింది. ఈ చిత్ర బృందం విడుదల చేసిన ఫస్ట్ లుక్ పోస్టర్ లో అల్లరి నరేష్ తన వీపుపై ఒక కత్తి పోటు తో , ఒంటి నిండా రక్తంతో ఉన్నాడు. ఈ ఫస్ట్ లుక్ పోస్టర్ ప్రస్తుతం సోషల్ మీడియాలో వైరల్ అవుతుంది. నాంది మూవీ కాంబినేషన్ లో తెరకెక్కుతున్న రెండవ సినిమా కావడంతో ఈ మూవీ పై సినీ ప్రేమికులు మంచి అంచనాలు పెట్టుకున్నారు.