బింబిసార: సూపర్ వసూళ్లు.. డబుల్ బ్లాక్ బస్టర్?
ఇక వంద, రెండొందల కోట్ల వసూళ్లు సాధించిన సినిమాలు కూడా డిజాస్టర్లు అవుతుంటాయి కొన్నిసార్లు. వాటి మీద బడ్జెట్ కూడా వందల కోట్లు పెట్టినపుడు వందల కోట్లలో వచ్చే వసూళ్లు కూడా దిగదుడుపుగానే అనిపిస్తాయి.సాహో, రాధేశ్యామ్ లాంటి భారీ బడ్జెట్ చిత్రాలు అందుకు ఉదాహరణ. సినిమా సక్సెస్ను ఎప్పుడూ కూడా పెట్టుబడి-రాబడి కోణంలోనే లెక్కగట్టాలి.ఇక నిర్మాత ఎంత పెట్టాడు.. ఎంత వచ్చింది? అలాగే డిస్ట్రిబ్యూటర్లు సినిమాను ఎంతకు కొన్నారు.. ఇక వాళ్లకు ఎంత వచ్చింది? ఈ కోణంలో చూస్తే ఈ ఏడాది బిగ్గెస్ట్ బ్లాక్బస్టర్లలో ఒకటిగా 'బింబిసార' సినిమా అనే చెప్పాలి.ఈ చిత్ర థియేట్రికల్ హక్కులను కేవలం రూ.15 కోట్లకే అమ్మాడు నిర్మాత నందమూరి కళ్యాణ్ రామ్. సినిమాకు కొంచెం ఎక్కువ బడ్జెట్టే అయినప్పటికీ కూడా కొన్ని ఏరియాల వరకు తన సొంత డిస్ట్రిబ్యూటర్లకు సినిమాను ఇచ్చి మిగతా ఏరియాలకు అమ్మేశాడు. ఈ సినిమాకున్న డిమాండ్కు తగ్గట్లే అమ్మకాలు జరిగాయే తప్ప.. బడ్జెట్ను అనుసరించి మరీ ఎక్కువ రేట్లేమీ కూడా చెప్పలేదు.ఇప్పుడీ సినిమా బయ్యర్ల పెట్టుబడి మీద రెట్టింపు కన్నా ఎక్కువ వసూలు చేయడం విశేషంగా మారింది.
రెండు వారాల వ్యవధిలో 'బింబిసార' సినిమా వరల్డ్ వైడ్ షేర్ ఏకంగా రూ.32 కోట్లను దాటిపోయింది. అంటే ఇప్పటికే ఈ చిత్రం డబుల్ బ్లాక్బస్టర్ హిట్ అయిందన్నమాట. నైజాం ఏరియాలో దిల్ రాజు ఐదున్నర కోట్లకు కొంటే ఇప్పటికే అక్కడ షేర్ టోటల్ గా రూ.10 కోట్ల మార్కును దాటేసింది.అలాగే సీడెడ్లో రూ.6.8 కోట్ల షేర్ రాబట్టిన బింబిసార.. ఇంకా వైజాగ్లో రూ.4.5 కోట్ల దాకా కొల్లగొట్టింది.ఆంధ్రాలోని మిగతా అన్ని ఏరియాల్లో కూడా కలిపి ఇంకో ఏడు కోట్ల దాకా షేర్ వచ్చింది. ఇక యుఎస్లో ఈ చిత్రం హాఫ్ మిలియన్ మార్కును దాటింది. అయితే ఈ వసూళ్లు గురువారం వరకే. ఇప్పటికీ వసూళ్లు నిలకడగానే ఉన్నాయి. మూడో వీకెండ్లో కూడా ఈ చిత్రం మంచి షేర్ రాబట్టే సూచనలు ఎక్కువగా కనిపిస్తున్నాయి. ఫుల్ రన్లో 'బింబిసార' సినిమా రూ.40 కోట్ల షేర్ మార్కును అందుకోవడం ఖచ్చితంగా ఖాయంగా కనిపిస్తోంది. దీన్ని బట్టి ఈ చిత్రం ఎంత పెద్ద హిట్టో ఒక అంచనా వేయొచ్చు.