ఆ బ్యూటీకి బంపర్ ఆఫర్ వచ్చింది.. కానీ ఏం ప్రయోజనం ?
శంకర్ సినిమాలకి ఒక బ్రాండ్ ఇమేజ్ ఉంది. లార్జ్ స్కేల్ సినిమాలు తీస్తాడని, టెక్నికల్లీ ఫార్వర్డ్గా ఉంటాడనే ఒపీనియన్ ఉంది. అందుకే స్టార్ హీరోలంతా ఈ దర్శకుడితో సినిమాలు చేయాలనుకుంటారు. అయితే ఈ భారీ సినిమాల ఇమేజ్తో పాటు, శంకర్ సినిమాల్లో నటించిన హీరోయిన్ల కెరీర్ కష్టాల్లో పడుతుందనే సెంటిమెంట్ కూడా ఉంది. శంకర్ సినిమాలు బ్లాక్బస్టర్ హిట్స్ అయినా సరే, అందులో నటించిన హీరోయిన్లకి మాత్రం కష్టాలు స్టార్ట్ అవుతాయి. ఐశ్వర్యారాయ్ నుంచి మొదలుపెడితే, ఎమీ జాక్సన్ వరకు చాలామంది శంకర్ సెంటిమెంట్తో స్లో అయ్యారు. శంకర్ దర్శకత్వంలో 'రోబో' చేశాక ఐశ్వర్యా రాయ్కి 5 ఏళ్లు గ్యాప్ వచ్చింది. ఆ తర్వాత సపోర్టింగ్ రోల్స్కి షిఫ్ట్ అయింది.
ఇలియానా తెలుగులో టాప్ హీరోయిన్గా హంగామా చేస్తోన్న సమయంలో శంకర్ దర్శకత్వంలో 'నన్బన్' సినిమా చేసింది. హిందీ హిట్ 'త్రీ ఇడియట్స్' రీమేక్గా వచ్చిన 'నన్బన్'కి మిక్స్డ్ టాక్ వచ్చింది. ఇక ఆ తర్వాతి సంవత్సరం నుంచి ఇలియానాకి తెలుగులో అవకాశాలు కూడా తగ్గిపోయాయి. కొన్నాళ్లు హిందీలో హంగామా చేసినా, ఇప్పుడు బాలీవుడ్ కూడా పట్టించుకోవడం లేదు. దీంతో ఇలియానా కెరీర్ ఎండింగ్కి వచ్చింది.