ఈ ముద్దుగుమ్మ ను ఎవరు పట్టించుకోవడం లేదే!!
రవితేజ సరసన ఖిలాడి చిత్రంలో నటిస్తున్న ఈ ముద్దుగుమ్మ అంతకుముందు గల్ఫ్ అనే చిత్రంలో తెలుగు ప్రేక్షకులకు పరిచయం అయింది. ఈ సినిమాలో ఆమె నటనకు ఎక్కువగా గుర్తింపు లేకపోయినా కూడా అందచందాలతో అందర్నీ ఎంతగానో ఆకట్టుకుంది. అయితే ఈ సినిమా విజయవంతం కాకపోవడం ఆమెను ప్రేక్షకులకు ఎక్కువగా తెలియకుండా చేసింది అని చెప్పవచ్చు. ఆ తర్వాత ఆమె గద్దల కొండ గణేష్ చిత్రంలో చేసిన ఐటమ్ సాంగ్ తో ఒక్కసారిగా భారీ స్థాయిలో పాపులారిటీ అందుకుంది. ఎంతో బాగా డాన్స్ వేసిన ఈ ముద్దుగుమ్మ ఎవరు అని అందరూ ఆరా తీయడం మొదలు పెట్టారు.
అప్పటికే ఆమె తమిళ సినిమా పరిశ్రమలో అవకాశాలు దక్కించుకోవడంతో తెలుగు సినిమాల్లోకి రావడానికి కాస్త ఆలస్యం అయ్యింది. ఆ విధంగా ఇప్పుడు రవితేజ సినిమాలో చేస్తున్న ఆమె ఈ చిత్రం విజయవంతం అయితే మరింతగా ఇక్కడ సినిమా అవకాశాలు దక్కించుకోవడానికి సిద్ధంగా ఉంది. ఇప్పటికే ఆమె ఈ సినిమా నుంచి వచ్చిన ఓ పాటలో నటించిన తీరుకు అందరు ముగ్ధులై పోయారు ఎంతో అద్భుతంగా ఆమె డాన్స్ వేసింది అని అందరూ పొగుడుతున్నారు. ఈ నేపథ్యంలో కొంతమంది దర్శక నిర్మాతలు ఈ సినిమా విడుదల కాకముందే ఆమెను తమ సినిమాల్లో హీరోయిన్ గా పెట్టుకునేందుకు ఆసక్తి చూపిస్తున్నారు.