రవితేజ ధమాకా.. మరీ అంత తొందరగానా!!

P.Nishanth Kumar
మాస్ రాజా రవితేజ వరుస సినిమాలతో ఫుల్ బిజీగా ఉన్నాడు. ప్రస్తుతం ఖిలాడి సినిమాను పూర్తి చేసే స్థాయి కి తీసుకు వచ్చిన రవితేజ రామారావు ఆన్ డ్యూటీ అనే మరో చిత్రాన్ని కూడా చివరి స్టేజ్ కి తీసుకు వచ్చాడు. ఇక ఆయన హీరోగా ధమాకా అనే మరో సినిమా కూడా తెరకెక్కుతున్న విషయం తెలిసిందే. త్రినాధరావు నక్కిన దర్శకత్వం వహిస్తున్న ఈ సినిమా ఇప్పటికే షూటింగ్ కి కూడా వెళ్ల గా ఈ చిత్రాన్ని వేసవిలో విడుదల చేస్తున్నట్లు యూనిట్ చెబుతుండడం విశేషం. 

ఈ నేపథ్యంలో సినిమాను ఇంత త్వరగా పూర్తి చేయడం పట్ల ఎంతో ఆశ్చర్యాన్ని వ్యక్తం చేస్తున్నారు సినిమా విశ్లేషకులు. ఖిలాడి, రామారావు ఆన్ డ్యూటీ సినిమాలను ఒకేసారి పూర్తి చేసి వాటిని ఒకేసారి విడుదల చేస్తున్నాడు మాస్ రాజా. ఈ విషయం తో నే అందరు ఆశ్చర్యపోతుంటే  ఇప్పుడు ధమాకా కూడా పూర్తిచేసి వేసవిలో విడుదల చేస్తున్నాడు అనే విషయం తెలిసి మరింత ఆశ్చర్యపోతున్నా రు. అంతేకాదు ఈ సినిమా తర్వాత ఆయన సుధీర్ వర్మ అనే దర్శకుడితో కలిసి ఓ పాన్ ఇండియా సినిమా కూడా చేస్తున్నారు. 

దీనికి రావణాసుర అనే టైటిల్ ను కూడా అనుకున్నారు. త్వరలోనే ఈ చిత్రానికి సంబంధించిన షూటింగ్ మొదలు కాబోతుంది. ఈ సినిమా ను కూడా తొందరగా షూటింగ్ పూర్తి చేసి ప్రేక్షకుల ముందుకు తీసుకువచ్చి వేరే సినిమా లకి వెళ్ళిపోవాలనేది రవితేజ ఆలోచన. ఈ సంవత్సరం క్రాక్ సినిమా తో హిట్ కొట్టి ప్రేక్షకులను భారీ స్థాయిలో అలరించాడు రవితేజ. ఆ ఉత్సాహం లోనే ఇప్పుడు వరుస సినిమా లను అనౌన్స్ చేసుకుంటూ ముందు కు దూసుకు పోతున్నాడు. మరి ఈ చిత్రాలతో ఆయన ఎలాంటి సక్సెస్ ను అందుకుని ప్రేక్షకులను అలరిస్తాడో చూడాలి. 

మరింత సమాచారం తెలుసుకోండి:

సంబంధిత వార్తలు: