టాలీవుడ్ అతి పెద్ద ముప్పు... తగ్గుతుందా ? నెగ్గుతుందా ?
ఈ డిసెంబర్ నుంచి వచ్చే ఏడాది వేసవి కాలం వరకు వరుసగా పెద్ద సినిమాలు రంగంలోకి దిగబోతున్నాయి. డిసెంబర్ 2న నందమూరి బాలకృష్ణ అఖండ, డిసెంబర్ 17న ఐకాన్ స్టార్ అల్లు అర్జున పుష్ప, డిసెంబర్ 24న నేచురల్ స్టార్ నాని శ్యామ్ సింగ రాయ్, మెగా ప్రిన్స్ వరుణ్ తేజ్ గని చిత్రాలు విడుదలకు సిద్ధంగా ఉన్నాయి. ఇక జనవరిలో బాక్స్ ఆఫీస్ పండగే. జనవరి 7న అందరూ ఆతృతగా ఎదురు చూస్తున్న "ఆర్ఆర్ఆర్", జనవరి 12న 'భీమ్లా నాయక్", జనవరి 14న "రాధేశ్యామ్" సంక్రాంతి బరిలో పోటీ పడబోతున్నాయి. అయితే ముందుగా ఈ రేసుకు సిద్ధమైన మహేష్ బాబు 'సర్కారు వారి పాట' చిత్రం వాయిదా పడింది. పెద్ద చిత్రాల నిర్మాతలు అందరూ రిలీజ్ డేట్ కోసం తన్నుకు చస్తుంటే మీ చావు మీరు చావండి. నన్ను మాత్రం ఒంటరిగా వదిలేయండి అంటూ కొత్త రీలిజ్ డేట్ ను ప్రకటించింది. ఏప్రిల్ 1న సోలో బ్రతుకే సో బెటర్ అంటూ సింగిల్ గా రానున్నాడు మహేష్. అయితే ఇప్పుడు గనుక కరోనా లేదా కొత్త వేరియంట్ మరోమారు పంజా విసిరితే ఈ ప్లాన్స్ అన్నీ తలక్రిందులు అవుతాయి.