అనుష్క ఇన్ని సమస్యలతో సతమతమవుతోందా..?
సైజ్ జీరో సినిమా కోసం పెరిగిన అధికబరువు నుంచి బయట పడడానికి రకరకాల నాచురల్ చికిత్సా విధానాలను కూడా అనుసరిస్తున్నప్పటికీ ఆమెలో ఏ మాత్రం తేడా రాకపోవడంతో ఆమె తీవ్ర నిరాశకు గురైనట్లు వార్తలు వినిపిస్తున్నాయి.. ఈ నేపథ్యంలోనే ఆమె వేరే సినిమాలకు కూడా సంతకాలు చేయలేక పోతుందట.. తాజాగా అనుష్క మారిన రూపం అంటూ ఫిల్మ్ నగర్ లో కొన్ని ఫోటోలు వైరల్ అవుతున్నాయి. ఇక అనుష్క అభిమానుల నుంచి ఈ ఫోటోలకు అద్భుతమైన స్పందన లభిస్తోంది.. నిజానికి ఈమె తన బరువును పూర్తిగా తగ్గించుకోలేదు..
కానీ అందుతున్న సమాచారం ప్రకారం అనుష్క కొంత బరువు తగ్గినట్లు వార్తలు వినిపిస్తున్నాయి.. అంతేకాదు మునుపటి కంటే చాలా ఫిట్ గా కూడా కనిపిస్తోంది.. అయితే ఈమె తన స్లిమ్ లుక్ ను తిరిగి సాధించడానికి ఇంకా ఎక్కువ సమయమే పడుతుంది అని కాకపోతే మునుపటి లుక్ తో పోలిస్తే తన రూపం కొంచెం మెరుగ్గా కనిపిస్తోంది అని కూడా సమాచారం. ఇకపోతే అనుష్క భాగమతి సినిమా తర్వాత యు.వి.క్రియేషన్స్ లో ఒక మూవీకి కమిట్ అయినట్లు సమాచారం.