ఎన్టీఆర్ మూవీ ఓపెనింగ్ కి మెగాస్టార్ .... ??
కొరటాల శివ తీయనున్న ఈ సినిమాకి సంబంధించి ఇటీవల స్టోరీ, స్క్రిప్ట్ విని ఓకే చేసిన ఎన్టీఆర్, త్వరలో దీనిని పట్టాలెక్కించేందుకు సన్నద్ధం అవుతున్నట్లు తెలుస్తోంది. ఎన్టీఆర్ ఇమేజ్ కి ఏ మాత్రం తగ్గకుండా ఎంతో గొప్పగా భారీ మాస్ యాక్షన్ ఎంటర్టైనర్ గా దర్శకుడు కొరటాల శివ ఈ మూవీని తీయనున్నట్లు టాక్. మరొకవైపు ఈ మూవీలోని తన పాత్ర కోసం ఇప్పటికే డిఫరెంట్ గా మేకోవర్ ని స్టార్ట్ చేసిన ఎన్టీఆర్, ఎట్టిపరిస్థితుల్లో ఇది భారీ సక్సెస్ అయ్యేలా అన్ని విధాలా కష్టపడేందుకు సిద్ధం అవుతున్నారట. ఇక ఈ భారీ సినిమాకి అనిరుద్ సంగీతం అందించనున్నారని, అలానే రష్మిక మందన్న హీరోయిన్ గా నటించనుందని కొద్దిరోజులుగా మీడియా మాధ్యమాల్లో వార్తలు ప్రచారం అవుతున్నాయి.
అయితే ఈ వార్తలపై అధికారికంగా మేకర్స్ నుండి న్యూస్ రావాల్సి ఉంది. ఇక లేటెస్ట్ గా పలు టాలీవుడ్ వర్గాల నుండి అందుతున్న సమాచారం ప్రకారం అక్టోబర్ మొదటి వారంలో ఈ మూవీ అధికారిక పూజా కార్యక్రమాలు జరగనుండగా మెగాస్టార్ చిరంజీవి ఈ వేడుక కి ప్రత్యేక అతిథిగా విచ్చేయనున్నట్లు టాక్. ప్రస్తుతం మెగాస్టార్ చిరంజీవి తో కొరటాల శివ ఆచార్య మూవీ చేస్తున్న విషయం తెలిసిందే. కాగా ఆ మూవీ త్వరలో ప్రేక్షకుల ముందుకు రానుంది.