హింట్ ఇచ్చిన రష్మిక ..... యంగ్ టైగర్ మూవీ లో ఫిక్స్ .... ??
రష్మిక మందన్న ప్రస్తుతం చేస్తున్న ఒక్కో సినిమాతో హీరోయిన్ గా టాలీవుడ్ లో మంచి క్రేజ్ దక్కించుకుంటూ కొనసాగుతున్నారు. స్వతహాగా కన్నడ అమ్మాయి అయిన రష్మిక, ఫస్ట్ టైం తెలుగులో నాగ శౌర్యతో వెంకీ కుడుముల తీసిన చలో మూవీ ద్వారా టాలీవుడ్ కి నటిగా అడుగుపెట్టి దానితో సక్సెస్ అందుకున్నారు. ఆ మూవీ లో తన అందం, అభినయంతో ఆడియన్స్ ని ఆకర్షించిన రష్మిక, ఆ తరువాత విజయ్ దేవరకొండ తో గీతా గోవిందం మూవీ తో ఏకంగా పెద్ద సక్సెస్ సొంతం చేసుకున్నారు.
అయితే నేడు తన సోషల్ మీడియా మాధ్యమం ఇంస్టాగ్రామ్ ద్వారా లైవ్ కి వచ్చిన రష్మిక, తన అభిమానుల్లో ఒకరు ఎన్టీఆర్, కొరటాల మూవీ ప్రాజక్ట్ గురించి చెప్పండి అని అడుగగా, తాను కూడా ఆ సినిమా కోసం ఎంతో ఆసక్తిగా ఎదురుచూస్తున్నట్లు తెలిపింది. దానిని బట్టి ఆమె ఈ సినిమాలో హీరోయిన్ గా ఎంపికైనది కన్ఫర్మ్ అంటున్నాయి టాలీవుడ్ వర్గాలు. కాగా దీనిపై ఆ మూవీ యూనిట్ అధికారికంగా త్వరలో ప్రకటన కూడా చేయనుందట. మరి ఈ వార్త కనుక నిజం అయితే తొలిసారిగా ఎన్టీఆర్ తో రష్మిక జోడీని తెరపై చూడవచ్చు.