రేపు ప్రభాస్ ప్రాజెక్ట్ కె నుండి భారీ అప్ డేట్ ... ??
ఇటీవల ఈ మూవీ షూట్ ప్రారంభం కాగా ప్రస్తుతం దీనికి సంబంధించి హైదరాబాద్ లో వేసిన ప్రత్యేక సెట్ లో కీలక సన్నివేశాలు చిత్రీకరిస్తున్నట్లు టాక్. పాన్ ఇండియా మూవీగా తెరకెక్కుతున్న ఈ సినిమా సైన్స్ ఫిక్షన్స్ కథాంశంతో సాగనుండగా ఇందులో విజువల్ ఎఫెక్ట్స్ కే కొన్ని కోట్ల రూపాయలు కేటాయించనున్నారట. మిక్కీ జె మేయర్ మ్యూజిక్ అందిస్తున్న ఈ సినిమాలో ప్రభాస్ క్యారెక్టర్ నెవర్ బిఫోర్ నెవర్ ఎగైన్ అనే రేంజ్ లో ఉండనుందట.
అయితే ఈ సినిమాకి సంబంధించి ప్రస్తుతం టాలీవుడ్ వర్గాల్లో వైరల్ అవుతున్న న్యూస్ ప్రకారం రేపు ఈ మూవీ ప్రొడ్యూసర్ అశ్వినీదత్ పుట్టినరోజు సందర్భంగా ప్రాజక్ట్ కె నుండి ఒక భారీ అప్ డేట్ ని యూనిట్ ప్లాన్ చేసిందని, అయితే అది ముందుగానే రివీల్ చేయడం కంటే రేపు సడన్ గా ప్రకటిస్తే బాగుంటుందని వారు భావిస్తున్నారట. మరి ప్రస్తుతం ప్రచారం అవుతున్న ఈ న్యూస్ కనుక నిజం అయితే రేపు ప్రభాస్ ఫ్యాన్స్ కి పెద్ద పండుగే అని చెప్పకతప్పదు. కాగా ఈ సినిమాని వీలైనంత వేగంగా పూర్తి చేసి వచ్చే ఏడాది చివర్లో లేదా ఆపై ఏడాది ప్రధమంలో దీనిని ప్రేక్షకుల ముందుకు తీసుకురానుందట యూనిట్.