మహేష్ - త్రివిక్రమ్ మూవీకి ఆ రెండు టైటిల్స్ లో ఏదో ఒకటి ఫిక్స్ ... .??
తరువాత 2010లో మరొక్కసారి ఈ ద్వయం చేసిన మూవీ ఖలేజా. అనుష్క శెట్టి హీరోయిన్ గా రూపొందిన ఈ మూవీని సింగనమల రమేష్, సి కళ్యాణ్ నిర్మించారు. అయితే ఈ మూవీ మాత్రం బాక్సాఫీస్ దగ్గర ఘోరంగా ఫెయిల్ అయింది. ఇక ప్రస్తుతం పరశురామ్ దర్శకత్వంలో సర్కారు వారి పాట అనే మాస్ యాక్షన్ మూవీ చేస్తోన్న మహేష్, ఆ తరువాత త్రివిక్రమ్ తో మరొక్కసారి పని చేయనున్నారు. చాలా గ్యాప్ తరువాత తమ కాంబోలో వస్తున్న సినిమా కావడంతో ఈ మూవీ కథ, కథనాల విషయమై త్రివిక్రమ్ ఎంతో పక్కాగా ప్లాన్ చేస్తున్నట్లు సమాచారం. పూజా హెగ్డే హీరోయిన్ గా నటించనున్న ఈ సినిమాకి థమన్ సంగీత దర్శకుడు. హారికా హాసిని క్రియేషన్స్ బ్యానర్ పై రూపొందనున్న ఈ సినిమా భారీ యాక్షన్ తో కూడిన ఫ్యామిలీ ఎంటర్టైనర్ గా తెరకెక్కనున్నట్లు చెప్తున్నారు.
అయితే ఈ సినిమా కోసం ప్రస్తుతం మేకర్స్ రెండు టైటిల్స్ ని అనుకుంటున్నారని, కాగా అవి పార్ధు, అతడే పార్ధు అని సమాచారం. యూనిట్ ఈ రెండు టైటిల్స్ లో ఏదో ఒకటి త్వరలో ఫైనల్ చేసి అధికారికంగా ప్రకటనించనుందని, సినిమా కథ ప్రకారం సరిపోయే టైటిల్ ని వారు ఫైనలైజ్ చేస్తారట. మరి నిజంగానే మహేష్, త్రివిక్రమ్ ల మూవీకి ఈ రెండు టైటిల్స్ ఏదో ఒకటి ఫిక్స్ అవుతుందో లేదో తెలియాలి అంటే మరికొన్నాళ్లు ఆగాల్సిందే అంటున్నారు విశ్లేషకులు.