తారక్తో ఉప్పెన డైరెక్టర్ బుచ్చిబాబు?
డైరెక్టర్ బుచ్చిబాబు యంగ్ టైగర్ ఎన్టీఆర్ కోసం మంచి కథ రెడి చేశాడని దానికి ఎన్టీఆర్ ఓకే అని అన్నారని చాలా కాలంగా ప్రచారం సాగుతోంది. అయితే యంగ్ టైగర్ ఎన్టీఆర్ ప్రస్తుతం రామ్ చరణ్ తో చేస్తున్న మల్టీ స్టారర్ సినిమా ఆర్ ఆర్ ఆర్తో బిజీ గా ఉన్నాడు. ఈ సినిమా తర్వాత కేజీఎఫ్ డైరెక్టర్ ప్రశంత్ నీల్ తో ఓ సినిమా చేయాల్సి ఉంది. ఈ సినిమా కోసం అన్ని రెడీగా ఉన్నాయని, ఆర్ ఆర్ ఆర్ సినిమా అయిన వెంటనే ప్రశంత్ నీల్ కాంబోలో వస్తున్న సినిమాకు షెడ్యూల్ ఇచ్చారని సమాచారం.
అయితే యంగ్ టైగర్ ఎంత బిజీగా ఉన్నా ఎన్ని సినిమాలు చేస్తున్నా బుచ్చిబాబు సినిమా కోసం డెట్స్ ఇవ్వనున్నట్టు తెలుస్తోంది. అన్ని కుదిరితే వచ్చే సంవత్సరం జులై నుంచి షూటింగ్ ప్రారంభం కానుందని టాలీవుడ్ లో వినిపిస్తోంది. ఈ సినిమాలో తారక్ ను బుచ్చిబాబు స్పోర్ట్స్ మెన్గా చూపించనున్నడట. ఇది తెలుగు వర్షన్ దంగల్ గా ఉండనుందని తెలుస్తోంది. వీరి కాంబోలో వచ్చే ఈ సినిమా కోసం తారక్ అభిమానులు ఎదురుచూస్తున్నారు.