మహేష్ తో శృతి ... జంక్షన్ జాం చేసిన సాంగ్ ... ??
మహేష్ సరసన హీరోయిన్ గా తమన్నా భాటియా నటించిన ఈ మూవీ మాత్రం విడుదల తరువాత ఆశించిన స్థాయి విజయాన్ని అయితే అందుకోలేకపోయింది. ఎన్కౌంటర్ శంకర్ అనే పవర్ఫుల్ పోలీస్ అధికారి పాత్రలో సూపర్ స్టార్ మహేష్ ఈ సినిమాలో తన యాక్టింగ్ తో ఫ్యాన్స్ తో పాటు ఆడియన్స్ ని కూడా ఎంతో ఆకట్టుకున్నారు. ఇక స్క్రీన్ పై మహేష్, తమన్నా జోడి ఎంతో ఆకట్టుకుంది. అయితే సినిమా ఫెయిల్ అయినప్పటికీ ఇందులోని సాంగ్స్ శ్రోతలను ఎంతో అలరించాయి.
మరీ ముఖ్యంగా ఈ సినిమాలో అందాల నటి శృతి హాసన్ ఒక స్పెషల్ మాస్ సాంగ్ చేయడం విశేషం. సూపర్ స్టార్ తో కలిసి జంక్షన్ లో అనే పల్లవితో సాగే ఈ సాంగ్ లో శృతి హాసన్ తన అందం, అద్భుతమైన డ్యాన్స్ లతో అందరినీ ఎంతో ఆకట్టుకుంది. థమన్ అందించిన మాస్ బీట్ కి భాస్కరభట్ల మరింత అందమైన సాహిత్యాన్ని అందించారు. థమన్, శృతి హాసన్, సింహా కలిసి ఎంతో ఆకట్టుకునేలా ఆలపించిన ఈ సాంగ్ అప్పట్లో థియేటర్స్ ని షేక్ చేసింది. ఇక మహేష్ కెరీర్ లో ది బెస్ట్ స్పెషల్ మాస్ సాంగ్స్ లో ఈ జంక్షన్ లో సాంగ్ ఒక ప్రత్యేక సాంగ్ గా నిలుస్తుంది అని చెప్పవచ్చు.