మనీ: ఈ నెలలో రెండోసారి వడ్డీ రేటును పెంచిన హెచ్డిఎఫ్సి..!
రూ. 2 కోట్ల కంటే తక్కువ డిపాజిట్ లపై పెరిగిన వడ్డీ రేట్లు వర్తిస్తాయని కూడా వెల్లడించింది. కొత్త వడ్డీరేట్లు 2022 అక్టోబర్ 26 నుంచి అమలులోకి వచ్చాయి. ఇప్పుడు హెచ్డిఎఫ్సి బ్యాంకు ఏడు రోజుల నుంచి 10 సంవత్సరాలలో మెచ్యూర్ అయ్యే డిపాజిట్లు పై సాధారణ కస్టమర్లకు 3 శాతం నుండి 6.25% వరకు వడ్డీ రేటు అందించడానికి సిద్ధంగా ఉంది. అంతేకాదు సీనియర్ సిటిజనులకు సాధారణ కస్టమర్ల కంటే 50 బేసిస్ పాయింట్లు అదనపు వడ్డీ రేటు ఉంటుంది. ఈ బ్యాంకు ఇప్పుడు 6 నెలల నుంచి 120 నెలల కాల వ్యవధి ఉండే ఆర్డీ లపై సాధారణ ప్రజలకు 4.50 శాతం నుంచి 6.25% వడ్డీ రేట్లు అందిస్తోంది.
ఏడు నుంచి 14 రోజుల్లో మెచ్యూర్ అయ్యే ఫిక్స్ డిపాజిట్ లపై హెచ్డిఎఫ్సి బ్యాంక్ 3శాతం వడ్డీని అందిస్తోంది. అదే 90 రోజుల నుంచి ఆరు నెలల లోపు ఫిక్స్ డిపాజిట్ ల పై 4.50 శాతం వడ్డీ రేట్లు అందిస్తోంది. 9 నెలల ఒక రోజు నుంచి ఏడాది ఫిక్స్ డిపాజిట్ పై 5.50 శాతం వడ్డీ రేటు లభిస్తోంది. ఇప్పుడు 10 సంవత్సరాల డిపాజిట్లపై 6.25శాతం వడ్డీ రేటు కూడా వర్తిస్తుందని హెచ్డిఎఫ్సి తెలిపింది.