లైఫ్ స్టైల్: నడక తర్వాత ఈ పనులు చేస్తున్నారా..?అయితే జాగ్రత్త..!!
తరచుగా నడిచిన తర్వాత మీరు కొన్ని తప్పులు చేయడం మానుకోవాలి. నడక లేదా వ్యాయామం చేసిన తర్వాత చాలామంది నీళ్లు తాగడానికి ఇష్టపడతారు. ఇలా అస్సలు చేయకండి. నడక లేదా వ్యాయామం చేసిన తర్వాత 20 నిమిషాల పాటు ఏమి తినకూడదు అలాగే తాగకూడదు.. అంతేకాదు వెంటనే పడుకోవద్దు కూడా. వ్యాయామాలు లేదా నడక చేసిన తర్వాత హృదయ స్పందన రేటు పెరిగి పోతుంది కాబట్టి ఎట్టి పరిస్థితుల్లో కూడా మంచంపై పడుకోకండి . మీకు రిలాక్స్ కావాలంటే కొద్దిసేపు సోఫాలో కూర్చుంటే సరిపోతుంది.
ఎక్సర్సైజ్ , రన్నింగ్ లాంటివి చేసిన తర్వాత శరీరమంతా చెమటతో నిండి పోతుంది. వెంటనే మీరు బట్టలు మార్చుకోవడం తప్పని సరి. చెమట తో నిండిపోయిన బట్టలు ధరించడం వల్ల అలర్జీలు, దురద, ర్యాషేష్ వంటి సమస్యలు వస్తాయి. పరిగెత్తడం అయిన వెంటనే స్నానం చేయకూడదు. కొంత సమయం పాటు చెమట పొడిగా అయిన తర్వాత స్నానం చేసి బయట వాతావరణంలో పదినిమిషాలపాటు కూర్చోవాలి .అంతే తప్ప ఏసీ , కూలర్ లాంటివి ఉపయోగించవద్దు. చిన్న చిన్న జాగ్రత్తలు తీసుకుంటే మీ ఆరోగ్యం పదికాలాల పాటు పదిలంగా ఉంటుంది. ఇలాంటి జాగ్రత్తలను కూడా ప్రతి ఒక్కరికి మీరు తప్పకుండా తెలియజేయండి.