ఆ దేశం సంతోష సీమ
హ్యాపీ సండే : కేవలం 55 లక్షల మంది జనాభా మాత్రమే ఉన్న చిన్న దేశం ఫిన్లాండ్ ఐక్యరాజ్య సమితి ఈ సంవత్సరం ప్రకటించిన సంతోష సూచి లో వరుసగా 4 సారి ప్రపంచంలోనే అత్యంత సంతోష కర దేశంగా ప్రకటించబడింది. ఇక్కడ ఎకానమీ , విద్యావిధానం , ప్రజల బాగోగులుకు అధిక ప్రాధాన్యత ఇవ్వడం వల్ల ఆ దేశ ప్రజలు సంతోషంగా ఉంటున్నారు. ఇతర దేశాల నుంచి అక్కడికి వెళ్ళిన వాళ్ళు సైతం సంతోష కరంగా ఉంటున్నారని పేర్కొంది.
ఆ దేశ పౌరులు ఒత్తిడికి గురి కాకుండా సాంకేతిక విజ్ఞానం బాగా అభివృద్ధి చెందిన సమాజంలో స్వేచ్చగా , భాద్యతగా బతుకుతున్నారు. మిగిలిన యూరోప్ దేశాల కంటే అక్కడి జీవన ప్రమాణాలు అన్ని మెరుగ్గా ఉంటాయి. ఇంకా విద్యావిధానం విషయానికి వస్తే పిల్లలపై ఏటువంటి ఒత్తిడి ఉండకుండా ఉండేలా రూపొందించారు. నైపుణ్యాల అభివృద్ధి లో సైతం ఈ దేశం ముందుంది .ప్రస్తుతం ఆ దేశ విద్య విధానం ప్రపంచంలోని మిగిలిన దేశాలకు ఆదర్శంగా నిలుస్తుంది.
సంతోషాన్ని కొలిచే ఈ సంతోష సూచి (Happiness Index) ని ఐక్యరాజ్య సమితి 2012 నుంచి సంవత్సరం ప్రపంచవ్యాప్తంగా ఏ దేశ ప్రజలు ఎక్కువ ఆనందంగా ఉన్నారనేది లెక్కించి చెబుతుంది. ప్రతియేటా మార్చి 20 న ఈ సూచి ని విడుదల చేస్తారు , ఆరోజే ఎందుకంటే"ఇంటర్నేషనల్ డే ఆఫ్ హ్యాపినెస్" కాబట్టి .
సంతోష సూచిని దేశ తలసరి ఆదాయం , స్వేచ్చ , సాయం చేసే గుణం , ఆరోగ్యంగా ఎంతకాలం బతుకుతామన్నది , అవినీతి వంటి అంశాలను పరిగణలోకి తీసుకొని ఈ సూచిని ఐక్యరాజ్య సమితి రూపొందిస్తుంది . ఈ సూచి ప్రకారం అగ్రరాజ్య లైన అమెరికా వంటి దేశల్లో ఉన్న ప్రజల కంటే కంటే ఫిన్లాండ్ , నార్వే , భూటాన్ , స్వీడన్ వంటి చిన్న దేశాల్లో ఉన్న ప్రజలే చాలా సంతోషంగా బ్రతుకుతున్నారు.