నక్క యుద్ధబేరి!
అనగనగా ఒక ఊరు ఆ ఊరికి ఆనుకొని కాకులు దూరని కారడివి ఆ అడవిలో ఒక నక్క ఉండేది దానికి చాలా రోజులు ఆహారం దొరకలేదు.అది ఆకలితో అల్లాడుతూ తిండికోసం అక్కడా ఇక్కడా తిరిగింది.
తిరిగింది తిరిగింది తిరిగి ఒక యుద్ధభూమికి చేరింది అక్కడ దానికి చాలా ఆహారం దొరికింది అయితే ఆ యుద్ధ భూమికి ఒక మూల ఒక చెట్టు కింద ఒక యుద్ధభేరి పడివుంది. చెట్టుకొమ్మలు గాలికి ఊగి ఆ భేరికి తగిలినప్పుడల్లా అది గట్టిగా శబ్దం చేస్తోంది.
ఆ ధ్వనికి నక్క బెదిరిపోయి ఏమీ తినకుండా చాలాసేపు ఒక ప్రక్కన నక్కి కూర్చుంది అంతలో దానికి ఒక ఆలోచన కలిగింది "నేను శబ్దాన్ని విన్నందుకే ఎందుకు భయపడాలి? "సుఖదు:ఖాలతొ కాస్త ఆలోచించి,తెలివితో మెలిగినప్పుడే మనం సుఖపడగలం.
అటువంటివాడే బుద్ధిమంతుడు" అనుకొని ఆ నక్క ధైర్యంగా వెళ్ళి ఆ భేరిని చూసింది ఆ శబ్దాల వెనకనున్న రహస్యం దానికి తెలిసిపోయింది. ఆ భేరి నిండా కొవ్వు కూరి పెట్టారనుకొని ఆశతో దాన్ని కొరికి చూసింది.
దానిలో ఏమీ లేదని,ఉన్నవి చర్మం,చెక్క మాత్రమేనని గ్రహించి ఆశ్చర్యపోయింది ఆ నక్క. నీతి:- దేని గురించైన విన్నంత మాత్రంతొనే బెదిరిపోకూడదు పరిస్తితిని పరిశీలించకుండా ముందుగానే ఏదేదొ ఊహించుకొని భయపడడం తప్పు.